ផ្ទះ ព័ត៌មានជាតិ ជនសង្ស័យ៣ប្រើ...

ជនសង្ស័យ៣ប្រើអាវុធខ្លីភ្ជង់ និងកាំប៉ិតចាក់ប្លន់ បណ្តាលឲ្យជនរងគ្រោះរងរបួសធ្ងន់ពេលនេះចាប់បានហើយ

0

ព្រះសីហនុ: យោងតាមផេករបស់ការិយាល័យផ្សព្វផ្សាយតាមបណ្តាញសង្គមបានឲ្យដឹងថា នៅថ្ងៃទី១៩ ខែកុម្ភ: ឆ្នាំ២០២១ វេលាម៉ោង ០៨ និង០០នាទីព្រឹក នៅចំណុចផ្ទះល្វែង (ម៉ាតចិន) មួយកន្លែង ដែលមានទីតាំងស្ថិតនៅក្រុមទី១៧ ភូមិ២ សង្កាត់លេខ៣ ក្រុងព្រះសីហនុ ខេត្តព្រះសីហនុ មានករណីអំពើលួចមានស្ថានទម្ងន់ទោស ទៅលើជនជាតិចិន មួយបានកើតឡើង (ប្រើអាវុធខ្លីភ្ជង់ប្លន់ និងប្រើកាំប៉ិតចាក់បណ្តាលឲ្យជនរងគ្រោះរងរបួសជាទម្ងន់) បង្កដោយជនសង្ស័យជាជនជាតិចិន ០៣នាក់ ភេទប្រុស មិនស្គាល់អត្តសញ្ញាណ បានធ្វើសកម្មភាពចូលទៅក្នុងផ្ទះល្វែង (ម៉ាត) របស់ជនរងគ្រោះ រួចធ្វើសកម្មភាពដោយប្រើអាវុធខ្លីភ្ជង់គំរាម និងប្រើកាំប៉ិតចុងស្រួចចាក់ទៅលើជនរងគ្រោះ ០១នាក់ ជាជនជាតិចិនម្នាក់ឈ្មោះ XU SHENXIANG ភេទប្រុស អាយុ ៤០ឆ្នាំ ជនជាតិចិន មុខរបរ លក់ដូរ លិខិតឆ្លងដែនលេខ: EE9978999 មានទីលំនៅ ក្រុមទី១៧ ភូមិ២ សង្កាត់លេខ៣ ក្រុងព្រះសីហនុ ខេត្តព្រះសីហនុ បណ្តាលឲ្យរងរបួសរបួសធ្ងន់ រយះបាតដៃខាងស្តាំ, ម្រាមដៃកណ្តាល ,ចង្អុលដៃខាងស្តាំ និងរបួសស្មងជើងខាងស្តាំ បច្ចុប្បន្នកំពុងសម្រាកព្យាបាលនៅមន្ទីពេទ្យ ចិន ប៉ាយឈៀវ ចំណែកជនសង្ស័យក្រោយធ្វើសកម្មភាពរួចបានគេចខ្លួនបាត់ ។
បន្ទាប់ពីកើតហេតុរួចកម្លាំងជំនាញនៃស្នងការដ្ឋាននគរបាលខេត្តព្រះសីហនុ បានសហការណ៍គ្នាធ្វើការស្រាវជ្រាវយ៉ាងយកចិត្តទុកដាក់ ដោយប្រើរយ:ពេលជាង ០៤ម៉ោង គឺនៅវេលាម៉ោង ១២ និង ៣០នាទី ថ្ងៃត្រង់ សមត្ថកិច្ចបង្ក្រាបបានទាំងស្រុង ចាប់ឃាត់ខ្លួនបានជនសង្ស័យទាំង ០៣នាក់ ៖
១-ឈ្មោះ YANG BAO QIANG ភេទប្រុស អាយុ ២៩ឆ្នាំ ជនជាតិចិន មុខរបរ មិនពិតប្រាកដ លិខិតឆ្លងដែន (មិនយកជាប់ខ្លួន) ស្នាក់នៅសណ្ឋាគារ ហ្សុងហ័រវួយ ភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ (ជនដៃដល់ប្រើកាំប៉ិតចាក់ទៅលើជនរងគ្រោះ) ។
២-ឈ្មោះ XU DONG PING ភេទប្រុស អាយុ ៣០ឆ្នាំ ជនជាតិចិន មុខរបរ មិនពិតប្រាកដ លិខិតឆ្លងដែន (មិនយកជាប់ខ្លួន) ស្នាក់នៅ ភូមិ៤ សង្កាត់៤ ក្រុងព្រះសីហនុខេត្តព្រះសីហនុ (ជនដៃដល់ប្រើអាវុធខ្លីភ្ជង់គំរាមជនរងគ្រោះ) ។
៣-ឈ្មោះ LI PEN ភេទប្រុស អាយុ ២៩ឆ្នាំ ជនជាតិចិន មុខរបរ មិនពិតប្រាកដ លិខិតឆ្លងដែន (មិនយកជាប់ខ្លួន) ស្នាក់នៅ ភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ (សមគំនិត) ។
តាមចម្លើយរបស់ជនសង្ស័យ មូលហេតុដែលពួកគេធ្វើសកម្មភាពប្លន់ ព្រោះខ្វះខាតប្រាក់ចាយវាយ ទើបបបួលគ្នារៀបចំគម្រោងចេញប្លន់តែម្តង ។
ចំពោះករណីនេះ សមត្ថកិច្ចកំពុងស្រាវជ្រាវរកវត្ថុតាងដែលធ្វើសកម្មភាពប្លន់ ។ ចំណែកជនសង្ស័យទាំង ០៣នាក់ កំពុងត្រូវបានកសាងសំណុំរឿងបញ្ជូនទៅសាលាដំបូងខេត្ត ដើម្បីផ្តន្ទាទោសតាមច្បាប់ ៕

 

មតិយោបល់