CES គឺជាព្រឹត្តិការណ៍ដ៏អស្ចារ្យ និងធំសម្បើមមួយដែលប្រព្រឹត្តឡើងសម្រាប់ដាក់​តាំង​បង្ហាញ​នូវ​​ផលិតផល​ខាង​បច្ចេក​វិទ្យាអេឡិចត្រនិច​ ដែល​មាន​ក្រុមហ៊ុន​អេឡិចត្រនិច​ធំៗ​ជា​ច្រើន​បាន​ចូល​រួម​។​​ស្រប​ពេល​ជា​មួយ​គ្នា​នោះ​ផង​ដែរ​ក្រុមហ៊ុន​ Sony​ បាន​ដាក់​បង្ហាញ​នូវ​ម៉ូដែល​ទូរស័ព្ទ​ថ្មី​សន្លាង​ដែល​មាន​​ឈ្មោះ​ថា​ Sony​ Xperia​ S​ smartphone​។​ Xperia​ S​ គឺ​ជា​ទូរស័ព្ទ​ដៃ​ Smartphone​ ដែល​ស្ថិត​នៅ​ក្នុង​ Sony​ Xperia​ NXT​។​ លក្ខណៈ​ពិសេស​ដែល​លេច​ធ្លោ​ជាង​គេ​សម្រាប់​ទូរស័ព្ទ​នេះ​គឺ​ថា​បំពាក់​នូវ​កាមេរ៉ា​កម្រិត​ 12​ មេហ្គាភិចសែល​ ផ្នែក​ខាង​មុន​ប្រើ​ Logo​ របស់​ Sony​ ជំនួស​ Logo​ របស់​ Sony​ Ericsson​។ ​បើ​តាម​ការ​សន្មត់ Sony Xperia S ក៏ជាចំណែកមួយនៃ PlayStation ផងដែរ។ Sony Xperia S មានអេក្រង់ទំហំ 4.3 អ៊ីង លក្ខណៈ HD ដែលមាននូវអង្គប្រតិបត្តិការប្រភេទ Qualcomm MSM8260 dual-core processor​ ល្បឿន 1.5 GHz។ សម្រាប់ប្រព័ន្ធដំណើរការវិញគឺប្រើជំនាន់ចាស់របស់ Android 2.3 អ្នកប្រហែលជា​ឆ្ងល់ថាតើហេតុអ្វីបានជាមិនប្រើ Android 4.0?​ មិនចាំបាច់បារម្ភនោះទេ ក្រោយពីមានវត្តមាន Xperia S នៅលើទីផ្សារមិនបានប៉ុន្មាននោះ លោកអ្នកនឹងអាចធ្វើការ Upgrade ទៅប្រើ Android 4.0 បានហើយ ព្រោះថាពេលនេះកំពុងតែសាកល្បង។ ជាមួយនឹងកាមេរ៉ា 12 មេហ្គាភិចសែល​ អាចធ្វើការហ្សូម​លក្ខណៈឌីជីថល 16x ហើយអាចចាក់ឯកសារវីដេអូប្រភេទ​1080p FullHD។ នៅមានមុខងារ និង​លក្ខណៈ​ពិសេសផ្សេងៗជាច្រើនទៀត ប៉ុន្តែនៅមានមុខងារមួយដែលពិសេសផងដែរគឺ Wi-Fi Hostspot Fucntion។

តើលោកអ្នកយល់ថាតម្លៃនៃ Eperia S ថ្លៃប៉ុន្មានដែរ? ខ្ញុំគិតថាគួរតែទិញប្រើ ប្រសិនបើតម្លៃសមរម្យ ព្រោះថាម៉ូដែលនេះពោរពេញដោយសមត្ថភាព និងលក្ខណៈពិសេស។ ចុះអ្នកវិញ?