លោកLiu Sixing អតីតជាវិស្វករជាន់ខ្ពស់នៃក្រុមហ៊ុនទូរគមនាគមន៍L-3នៃប្រទេសអាមេរិកត្រូវបានជាប់ចោទទោសពីបទលួចយកបច្ចេកទេសនៃការផលិតមីស៊ីលនិងរ៉ូកែតរបស់អាមេរិកទៅឲ្យចិនដោយខុសច្បាប់។គាត់ក៏ត្រូវបានចោទប្រកាន់ពីបទលួចយកបច្ចេកវិទ្យាពត៍មានកងទ័ព និងការសំងាត់នៃការធ្វើពាណិជ្ជកម្មរបស់អាមេរិកផងដែរខណះដែលនៅតែមានការបដិសេធពីជនជាប់ចោទយ៉ាងណាក៏ដោយ។
លោកLiu Sixing ដែលមានឈ្មោះក្រៅហៅថាSteve Liuបានបំរើការនៅក្រុមហ៊ុនL-3ក្នុងក្រុមដំណើរការផ្នែកអាកាសចរណ៍និងអាវកាសនៃរដ្ឋNew Jerseyតាំងពីឆ្នាំ2009រហូតដល់ឆ្នាំ2010ក្នុងតួនាទីជាកងវិស្វកម្មជាន់ខ្ពស់ម្នាក់។
លោកLiuត្រូវបានគេចោទថាបានលួចយកទិន្នន័យជាច្រើនពាន់ទិន្នន័យពីក្រុមហ៊ុនតាមរយះកំព្យូទ័រផ្ទាល់ខ្លួនហើយបានធ្វើការបទបង្ហាញជាច្រើនពីបច្ចេកវិទ្យានៅក្នុងទិន្នន័យទាំងនោះតាមរយះសិក្ខាសិលានិងនៅតាមសាកលវិទ្យាល័យនានាដែលមានការពាក់ព័ន្ធនឹងរដ្ឋាភិបាលចិន។
លោកPaul Fishermanសភាចារបុរសរបស់អាមេរិកបាននិយាយថាជារង្វាន់នៃការធ្វើឲ្យមានការគំរាមកំហែងដល់អាមេរិក លោកLiuនឹងត្រូវបានកាត់ទោសឲ្យជាប់គុករយះពេល70ខែ។
លោកមេធាវីការពារក្តីរបស់ជនជាប់ចោទបានបញ្ជាក់ថាវាជាកំហុសដ៏ធ្ងន់ធ្ងរមួយដែលកូនក្តីរបស់លោកបានមាននូវទិន្នន័យជាច្រើនយ៉ាងនេះនៅក្នុងកំព្យូទ័ររបស់គាត់ទៅកាន់ប្រទេសចិន ប៉ុន្តែវាមិនមានកំរិតទោសណាមួយដែលចាត់ទុកថានេះជាទោសឧក្រិដ្ឋនោះទេហើយគាត់មិនដែលមានប្រវត្តិធ្លាប់គំរាមកំហែងដល់អ្នកណាម្នាក់ដែរ៕
មតិយោបល់