មានតួអង្គជាច្រើនក្នុងពិភពព័ត៌មានវិទ្យា បានធ្វើឲ្យពិភពលោក ចង់ចាំជារៀងរហូត មិនមែនដោយសារការទទួលបានជោគជ័យរបស់គេនោះទេតែជា ការសម្រេចចិត្តខុសរបស់ពួកគេ ដែលធ្វើឲ្យពួកគេបានបាត់បង់ប្រាក់រាប់ពាន់លាន។
ប្រសិនបើមានអ្វីមួយអាចឲ្យមនុស្សយើង មើលឃើញពីអនាគតយើងម្នាក់ៗពិតជាចងមើលវា យើងនឹងបានដឹងថា ការសម្រេចចិត្តរបស់យើងក្នុងពេលនោះ វាជាការត្រឹមត្រូវឬ គ្រាន់តែជាភាពសោកស្តាយមិនអាចកាត់ថ្លៃបាន។ ជាក់ស្តែងមនុស្សយើងគ្មាននណាម្នាក់អាចដឹងពីលទ្ធផលក្នុងអនាគតបានទេ។ក្នុងពិភពលោកយើងនេះ ផ្នែកបច្ចេកវិទ្យាព័ត៌មានវិទ្យាបាន ធ្វើឲ្យមនុស្សមួយចំនួន មានការសោកស្តាយអស់មួយជីវិត ដោយសារការសម្រេចចិត្តរបស់គេ។
Nolan Bushnell បានបោះបង់ឱកាសគ្រប់គ្រង១/៣ក្រុមហ៊ុន Apple
Nolan Bushnell អ្នកបង្កើតក្រុមហ៊ុន បច្ចេកវិទ្យា Atari បានបដិសេដការចូលហ៊ុនជាមួយក្រុមហ៊ុនApple ចំនួន ៥០,០០០ ដុល្លា កាលពី” ផ្លៃប៉ុម” ទើបចាប់ផ្តើមបង្កើត ។ ការពី Steve Job នៅធ្វើការក្នុងក្រុមហ៊ុន Atari លោក Nolan Bushnell ធ្លាប់ធ្វើជាប្រធានរបស់គាត់ ។ ប្រសិនបើពេល នោះ Nolan Bushnell យល់ព្រមវិនិយោគ ៥០,០០០ ដុល្លា ម្លេះពេលនេះ គាត់ពិតជាអាចមានកម្មសិទ្ធ ១/៣ នៅក្នុងក្រុមហ៊ុន Apple ដែលពេលឥឡូវ Apple មានតំលៃប្រហែលជា ៤០០ ពាន់លានដុល្លា ។
Ronald Wayne គួរតែទទួលបានប្រាក់ ៤០ ពាន់លានដុល្លា
Ronald Wayne ដែលជាស្ថាបនិកក្នុងចំនោម ៣ នាក់ដែលបានបង្កើត Apple បានសម្រេចចិត្តលក់ភាគហ៊ុន១០ % របស់ខ្លួន ក្នុងតំលៃ ៨០០ ដុល្លាក្នុងរយៈពេល ២សប្តាហ៍ក្រោយពេល Apple ចាប់កំនើត ។ បន្ទាប់មកគាត់ព្រមទទួលយកប្រាក់១៥០០ ដុល្លា ដើម្បីបោះបង់ចោលទាំងស្រុងសិទ្ធគ្រប់គ្រងក្នុងក្រុមហ៊ុន Apple។ ប្រសិនបើពេលនោះRonald Wayne មិនលក់ភាគហ៊ុនរបស់គាត់ ពេលនោះគាត់ប្រហែលជាមានប្រាក់ ប្រមាណជា ៤០ ពាន់លានដុល្លា៕
HP បដិសេដ ៥ដងក្នុងការផលិត កុំព្យូទ័រ Apple
កាលពីទសវត្សឆ្នាំ១៩៧០ អ្នកចូលរួមបង្កើត Apple លោក Steve Wozniak នៅកុំពុងធ្វើការក្រុមហ៊ុន HP នៅឡើយ។ នៅរាល់ពេលទំនេរ គាត់តែងតែប្រមូលអារម្មណ៍រចនាម៉ូត កុំព្យុទ័រមួយប្រភេទថ្មី ដែរក្រោយមកវាក៏បានត្រូវគេស្គាល់ថាជា កុំព្យូទ័រ Apple ក្នុងពេលបច្ចុប្បន្ននេះ។
Steve Wozniak បានស្នើសុំប្រធានផ្នែកផលិតរបស់ក្រុមហ៊ុន HP ចំនួន ៥ ដងដើម្បីធ្វើការផលិតកុំព្យូទ័រដែលគាត់បានព្យាយាមប្រមូលអារម្មណ៍រចនាម៉ូត តែក្រុមហ៊ុនមួយនេះបានបដិសេដគាត់ ។ ក្រោយមកគាត់បានសម្រេចចិត្តចាកចេញ ពីក្រុមហ៊ុន HP រួចចាប់ផ្តើមបង្កើតក្រុមហ៊នApple ជាមួយមិត្តរបស់គាត់គឺ លោក Steve job ។
ដោយស្តាប់ឪពុក Joe Green និយាយថា “ទេ” ជាមួយ Facebook
Joe Green ជាមិត្តរួមបន្ទប់របស់ Mark Zuckerberg ដែលស្នាក់នៅជាមួយគ្នា ក្នុងសាកលវិទ្យាល័យ Harvard ដែលបានបដិសេដការចូលរួមជាមួយ មិត្តខ្លួនក្នុងការបង្កើត Facebook ។
កាលពីពួកគេទាំងពីសិក្សាក្នុងសាកលវិទ្យាល័យ Harvard ជាមួយគា្នពួកគេបាននាំគា្នបង្កើតគេហទំពរ័ សង្គមមួយឈ្មោះថា Facemash ។ ប៉ុន្តែកិច្ចការនោះបានធ្វើឲ្យប៉ះពាល់ដល់ការសិក្សារបស់ពួកគេហើយត្រូវបានសាកលវិទ្យាល័យ ជូនការប្រមានទៀតផង។ បន្ទាប់មក ពេលដែល Zuckerberg ពឹងឲ្យ Green ចូលរួមបង្កើត គេហទំពរ័ Facebook ឪពុករបស់ Green បានផ្តល់យោបល់ថា Green មិនគួរចូលរួមជាមួយ ZuckerBerg ទៀតទេ។ ប្រសិនបើពេលនោះ Green បានចូលរួមបង្កើត Facebook គាត់ប្រហែលជាអាចមានភាគហ៊ុន ៥ % ក្នុងក្រុមហ៊ុន Facebook ដែលស្មើនឹង ៣ ពាន់លានដុល្លា។
cowan បានបដិសេដការជួបជាមួយស្ថាបនិកទាំងពីរនាក់របស់ Google
កាលពីប៉ុន្មានឆ្នាំមុន មូលនិធីវិនិយោគបច្ចេកវិទ្យា Bessemer Venture Partners បានធ្វើការដាក់ចេញនូវ បញ្ជីរាល់ក្រុមហ៊ុនបច្ចេកវិទ្យាមួយចំនួនដែលពួកគេត្រូវធ្វើការបណ្តាក់ទុន ក្នុងនោះក៏មានក្រុមហ៊ុន GooGle ផងដែរ។ក្រោយមក លោក cowan ដែលពេលនោះជាប្រធានមូលនីធិបានធ្វើការបដិសេដ ជួបជាមួយស្ថាបនិកទាំងពីរនាក់របស់ក្រុមហ៊ុន Google។
មិត្តរួមថ្នាក់របស់ cowan លោកស្រី Susan Wojcicki ដែលជាអ្នកអនុញ្ញាតឲ្យ ស្ថាបនិក Google ធ្វើការជួលបន្ទប់ Garas តាំងពីពេលបង្កើតដំបូង បានព្យាយាមធ្វើការបញ្ចុះបញ្ជូលលោក cowan ឲ្យជួបជាមួយស្ថាបនិក Google ទាំងពីរ តែលោក cowan បានបដិសេដមិនជួប និង ពិភាក្សាជាមួយពួកគេទាំងពីរនៅក្នុង Garas ៕
ប្រែសម្រួលអត្ថបទដោយ៖លោក ម៉ៅ សុខេន
មតិយោបល់