​កាលពី​ថ្មីៗ​នេះ នៅលើ​គេហទំព័រ Three របស់​អង់គ្លេស​បាន​ចុះផ្សាយ​ព័ត៌មាន​អំពី Galaxy S4 mini តាមរយៈ​វីដេអូ​។​
​នៅមុននេះ​ប៉ុន្មាន​ថ្ងៃ មាន​ព័ត៌មាន​ល្បី​ពេញ​អ៊ី​ន​ធើ​ណែ​ត​ថា Galaxy S4 mini ត្រូវបាន​ក្រុមហ៊ុន Samsung បង្ហោះ​បង្ហាញ​នៅលើ​គេហទំព័រ Samsung ហើយ​នៅពេលនេះ ស្រាប់តែ Three បានបង្ហាញ​វីដេអូ​ស្ដីអំពី Galaxy S4 mini​។​

​គេ​នៅ​មិនទាន់​ដឹងថា Galaxy S4 mini ពិតជា​មាន​មែន ឬមួយ​យ៉ាងណាទេ ព្រោះថា ក្រុមហ៊ុន Samsung មិនបាន​បង្ហើប​ឲ្យ​ដឹង ប៉ុន្តែ​កាលពី Galaxy S3 ក្រុមហ៊ុន Samsung បាន​បង្កើត Galaxy S3 mini ដូច្នេះ​គេ​ក៏​រំពឹងថា Galaxy S4 ក៏មាន mini ដែរ​។​
​គួរបញ្ជាក់​ផងដែរ​ថា នៅ​ថ្ងៃទី ២០​ខែមិថុនា ឆ្នាំ ២០១៣ ខាងមុខនេះ ក្រុមហ៊ុន Samsung នឹង​រៀបចំ​ព្រឹត្តិការណ៍​មួយ​បង្ហាញ​វត្តមាន Android tablet ដែល​នៅ​ក្នុងនោះ​ក៏មាន Windows ផងដែរ​៕
​