មូស្គូ ( 15/08/13 ) : លោកប្រធានាធិបតីចិន Xi Jinping បានបញ្ជាក់ពីវត្តមានរបស់រូបលោកនៅក្នុងកិច្ចប្រជុំ G20 ដែលនឹងប្រព្រឹត្តទៅនៅក្នុងទីក្រុង Petersburg ប្រទេសរុស្ស៊ីនាដើមខែកញ្ញានេះហើយហើយលោកក៏នឹងទទួលជួបក្នុងជំនួបទ្វេរភាគីជាមួយនឹងប្រធានាធិបតីរុស្ស៊ីលោក Vladimir Putin ផងដែរ។
ការបញ្ជាក់នេះគឺនៅក្រោយដំណើរទស្សនកិច្ចរបស់លោកប្រធានរដ្ឋសភាជាតិចិន Yang Jiechi ដែលបានជួបពិភាក្សាគ្នាជាមួយនឹងលោករដ្ឋមន្ត្រីក្រសួងការបរទេសរុស្ស៊ី Sergei Lavrov កាលពីថ្ងៃព្រហស្បតិ៍។ចិនបានប្រកាសថាខ្លួននឹងគាំទ្រយា់ងខ្លាំងក្នុងការដំណើរការកិច្ចប្រជុំដែលនឹងធ្វើឡើងនៅក្នុងប្រទេសរុស្ស៊ីហើយសន្យាថាខ្លួនបន្តកិច្ចសហប្រតិបត្តិការពេញទំហឹងជាមួយរុស្ស៊ីក្នុងកិច្ចប្រជុំលើកនេះរហូតដល់ចប់សព្វគ្រប់។
គួរបញ្ជាក់ផងដែរថាកិច្ចប្រជុំ G20 ដែលបានបង្កើតឡើងតាំងពីឆ្នាំ 1999 ដោយតំណាងប្រទេសមហាអំណាចទាំង 20 លើលោកដោយក្នុងនោះមានប្រទេសធំៗ 19 នឹងតំណាងមកពីសហគមន៍អឺរ៉ុប។វាជាកិច្ចប្រជុំអន្តរជាតិដែលធំជាងគេបង្អស់និងមានសារសំខាន់បំផុតក្នុងការដោះស្រាយវិបត្តិសេដ្ឋកិច្ចសាកលនិងហិរញ្ញវត្ថុផង។កិច្ចប្រជុំដែលនឹងត្រូវធ្វើលើកនេះនាប្រទេសរុស្ស៊ីត្រូវបានចុះផ្សាយតាមរយៈគេហទំព័របស់ខ្លួនថានឹងប្រព្រឹត្តទៅនៅថ្ងៃទី 5 និង 6 កញ្ញាខែក្រោយនេះ៕
មតិយោបល់