ខណៈពេលដែលមនុស្សគ្រប់គ្នាកំពុងតែតាមដាននូវព័ត៌មាន iPhone ជំនាន់ថ្មី នៅពេលនេះ ដំណឹង សូមបង្វែអារម្មណ៍ប្រិយមិត្តមកតាមដានព័ត៌មាន Android វិញម្ដង។
អនុប្រធានជាន់ខ្ពស់ទទួលបន្ទុកផ្នែក Android, Chrome និង Google App លោក Sundar Pichai បានបង្ហើបឲ្យដឹងនៅលើបណ្ដាញសង្គម Twitter ថា នៅពេលនេះ ស្មាតហ្វូន និង Tablet ដែលប្រើប្រាស់នូវប្រព័ន្ធដំណើរការ Android មានចំនួន ១ពាន់លានគ្រឿង ហើយក៏ប្រាប់ផងដែរថា Android ជំនាន់ថ្មីឈ្មោះ “KitKat”។
ព័ត៌មាននេះផងដែរ នៅលើគេហទំព័រ Android ផ្ទាល់ក៏បានប្រកាសឲ្យដឹងផងដែរថា Android ជំនាន់ថ្មីនឹងមានឈ្មោះថា “KitKat” បន្ទាប់ពី Jelly Bean។
គួរបញ្ជាក់ផងដែរថា Android បានប្រើប្រាស់ឈ្មោះរបស់នំសូកូឡា មកធ្វើជាឈ្មោះសម្រាប់សម្គាល់ខ្លួនដែលមានតាំងពី Cupcake, Donut, Eclair, Froyo, Gingerbread, Honeycomb, Ice Cream Sandwich, Jelly Bean និងជាចុងក្រោយនេះគឺ KitKat៕
មតិយោបល់