អ្វីដែលយើងរំពឹងទុកថា iPhone 5 និង iPhone 5S មានលក្ខណៈខុសគ្នា ប៉ុន្តែនាពេលនេះយើងបានឃើញហើយថា iPhone 5S មានរូបរាង ទាំងទំហំ និងទម្ងន់របស់វានៅដដែរ។ អ្វីដែលយើងប្លែកភ្នែកនឹងចាប់អារម្មណ៍នោះគឺ មាស សម្រាប់ជំនាន់ថ្មីគឺមានបន្ថែមពណ៌មាសសម្រាប់ការជ្រើសរើស។
![iPhone 5S [Gold]](https://i0.wp.com/domneng.news/wp-content/uploads/2013/09/gsmarena_101.jpg?ssl=1)
បន្ទះសៀគ្វី A7
iPhone 5S បានធ្វើការរចនាទៅលើប្រព័ន្ធថ្មីស្រឡាងសម្រាប់ការប្រើប្រាស់ជាមួយនឹងបន្ទះសៀគ្វី A7 ដែលមានជំហរលើគោល 64-bit ជាមួយនឹង iOS 7 [64-bit] ធ្វើឲ្យ iPhone 5S ជំនាន់ថ្មីនេះមានដំណើរការលឿនជាងមុនរហូតដល់ទៅ ៥៣ ដង ទៅលើ iPhone ធម្មតា និង ២ ដងទៅលើ iPhone 5។ បើយើងគិតមកក្រោយវិញនោះបច្ចុប្បន្នកម្មវិធីទាំងអស់ដំណើរការត្រឹមតែ 32-bit ប៉ុណ្ណោះ។
បន្ទះសៀគ្វី A7 នេះទ្រទ្រង់ OpenGL ES 3.0 មានប្រតិបត្តិការណ៍យ៉ាងល្អដែលធ្វើឲ្យគុណភាពនៃការបង្ហាញកាន់តែច្បាស់។ ប្រតិបត្តិការណ៍នេះក៏មានការចូលរួមដំណើរការអមពី M7 សម្រាប់ធ្វើការវាស់ល្បឿន លំនឹង ត្រីវិស័យជាដើម។
ទំហំកាមេរ៉ា 8 មេហ្គាភិចសែល
សម្រាប់កាមេរ៉ាថ្មីនេះមានទំហំការចាប់រូបភាពធំជាងមុន ១៥ ភាគរយ មានទំហំ និងផ្ទៃធំទូលាយ ទោះជាយ៉ាងណាសម្រាប់ iPhone 5S នេះនៅតែមានកម្រឹត ៨ មេហ្គាភិចសែលដដែរ។ មានទំហំ និងផ្ទៃធំទូលាយធ្វើឲ្យយើងអាចចាប់យករូបភាពបានកាន់តែច្បាស់ទោះជាមានការរំខាន ឬកម្រឹតពន្លឺទៀបក៏ដោយ និងប្រសើរជាងមុនពីការរលក។
យើងនឹងប្លែកសម្រាប់ជំនាន់ថ្មីនោះដោយមានភ្លើង flash ដល់ទៅ ២។ Apple ធ្វើដូចនេះដើម្បីចាប់យកពណ៌នៃរូបភាពឲ្យច្បាស់ទៅតាមធម្មជាតិពិតៗ រួមនឹងការចាប់យករូបភាពដល់ទៅ ៤ រូប ក្នុងពេលតែមួយ ដើម្បីយកផ្នែកដែរល្អៗរបស់រូបភាពទាំងនោះមកបូកបញ្ចូលគ្នាយកតែ ១ រូបភាពពិសេសបំផុត។ សម្រាប់ការថតជាវីដេអូវិញអាចចាប់រកបានក្នុងកម្រឹត 720p និង 120fps ដែលអាចធ្វើវីដេអូឲ្យមានលក្ខណៈយឺតៗ ហើយអាចពង្រីកបាន 3x ប្រភេទឌីជីថល។
ក្រៅពីការថតវីដេអូ និងរូបភាពធម្មតានោះ យើងក៏នៅតែបន្តការថតបច្ចេកវិទ្យា Panorama ដែលអាចថតរូបភាពបានកាន់តែធំជាងមុនដែលអាចមានកម្រឹតរហូតដល់ទៅ ២៨ មេហ្គាភិចសែល និងធ្វើការដោយស្វ័យប្រវត្តទៅលើរូបភាពទាំងមូល ជាពិសេសនោះគឺការល្បឿន និងគុណភាពល្អជាមុន ២ ដង ទៅលើ iPhone 5។
Touch ID ឬស្កេនម្រាមដៃ
បន្ទាប់ពីមានពាក្យចចាមរ៉ាមមុនពេលចេញ iPhone 5S នេះ Apple ក៏បានដាក់បញ្ចូល Touch ID ទៅលើប៊ូតុង Home។ Touch ID ត្រូវបានលាក់ទុកនៅពីក្រោយកញ្ចក់គ្រីស្តាល់ និងមានកងលោហធាតុនៅព័ទ្ធជុំវិញ សម្រាប់ធ្វើការស្កេនម្រាមដៃរបស់លោកអ្នកដើម្បីធ្វើការដោះសោរ។ វិធីនេះមានភាពងាយស្រួលជាងការប្រើប្រាស់ passcode ដែលច្រើនតែជួបបញ្ហាភ្លេច។ សម្រាប់ការចាក់សោរបែបនេះទៅលើម្រាមដៃច្រើននោះអ្នកនឹងត្រូវចំណាយប្រាក់ដើម្បីធ្វើការទិញពី iTunes store។
តម្លៃជាប់កុងត្រា ២ ឆ្នាំជាមួយប្រព័ន្ធទូរគមនាគមន៏
– iPhone 4S 8GB ទទួលបានការបញ្ចុះតម្លៃព្រមទាំងទទួលបានទូរស័ព្ទ iPhone 4S ដោយឥតគិតថ្លៃ
– iPhone 5 ទទួលបានការបញ្ចុះតម្លៃ
– iPhone 5S តម្លៃទូរស័ព្ទមួយគ្រឿង 16GB = $199, 32GB = $299, 64GB = $399 ដែលនឹងត្រូវដាក់លក់នៅថ្ងៃទី២០ កញ្ញា ខាងមុខនេះ
មតិយោបល់