នៅពេលនេះ លោក Risto Siilasmaa ប្រធានក្រុមប្រឹក្សាភិបាលនៃក្រុមហ៊ុន Nokia បានកាន់តំណែងនាយកប្រតិបត្តិក្រុមហ៊ុន Nokia បណ្ដោះអាសន្ន ព្រោះថានៅមិនទាន់សម្រេចជ្រើសរើសអ្នកថ្មី ឬមួយយ៉ាងណា។
គ្រប់គ្នាបានសន្លឹកមកក្រុមហ៊ុន Nokia ដោយភាពអស់សង្ឃឹម ព្រោះថាអាជីវកម្មទូរស័ព្ទរបស់ Nokia ត្រូវបានលក់ទៅឲ្យក្រុមហ៊ុន Microsoft នៅក្នុងតម្លៃ ៧,២ពាន់លានដុល្លារអាមេរិកបាត់ទៅហើយ ប៉ុន្តែលោក Siilasmaa បានអះអាងថា Nokia នៅពេលនេះ មិនដូចអ្វីដែលគ្រប់គ្នាបានគិតនោះទេ។
“ក្រុមហ៊ុន Nokia នឹងមើលទៅខុសប្លែកពីមុន នៅក្រោយពេលដែលគ្មានអាជីវកម្មទូរស័ព្ទ និងសេវាកម្ម ប៉ុន្តែក្រុមមួយនេះនឹងតែខ្លាំង មិនអន់ថយនោះទេ បញ្ហាហិរញ្ញវត្ថុ និងអាជីវកម្មរបស់ Nokia នៅតែខ្លាំង ព្រោះថា Nokia នៅមាន NSN ដែលជាក្រុមហ៊ុនផ្គត់ផ្គង់គ្រឿងបរិក្ខាទូរគមនាគមន៍ នៅមាន HERE ដែលជាកម្មវិធីផែនទី និង Advanced Technologies ដែលជាកម្មសិទ្ធិផ្ទាល់របស់ Nokia ហើយវានឹងធ្វើឲ្យ Nokia ខ្លាំងមិនពីការស្មាន់ ព្រោះនៅពេលនេះ យើងនឹងចាប់ផ្ដើមពង្រីងវាដើម្បីប្រជែងទីផ្សារសកល”។ នេះជាសម្ដីរបស់លោក Siilasmaa បានថ្លែងឲ្យដឹងកាលពីថ្មីៗនេះ។
វាជាការពិតណាស់ នៅពេលដែលក្រុមហ៊ុន Nokia លក់អាជីវកម្ម និងសេវាកម្មទៅឲ្យក្រុមហ៊ុន Microsoft បានធ្វើឲ្យមហាជន និងអ្នកគាំទ្រមានការអន់ចិត្ត និងបាក់កម្លាំងចិត្ត ប៉ុន្តែ Nokia មិនបានគិតដូច្នោះទេ ព្រោះថា Nokia នៅតែខ្លាំង បើទោះបីជាគ្មានទូរស័ព្ទក៏ដោយ៕
មតិយោបល់