កាលពីដើមឆ្នាំ ២០១៣ មានក្រុមហ៊ុនផលិតស្មាតហ្វូនមួយបានដាក់ពាក្យប្ដឹងក្រុមហ៊ុន Apple ថាបានប្រើប្រាស់ស្លាកសញ្ញា “iPhone” ជារបស់ខ្លួននៅក្នុងប្រទេសប្រេស៊ីល។
ក្រុមហ៊ុន Gradiente បានដាក់ពាក្យបណ្ដឹងទៅកាន់តុលាការ ដោយបានចោទប្រកាន់ថា ស្លាកសញ្ញា iPhone ជារបស់ខ្លួន ព្រមជាមួយគ្នានោះ ក្រុមហ៊ុន Gradiente ក៏បានចេញលក់ស្មាតហ្វូនមួយដែលមានឈ្មោះថា Gradiente iPhone ដែលប្រើប្រាស់នូវប្រព័ន្ធដំណើរការ Android។
ដោយឡែកនៅពេលនេះ តុលាការបានសម្រេចថា ក្រុមហ៊ុន Apple អាចបន្តការប្រើប្រាស់ស្លាកសញ្ញា iPhone នៅក្នុងប្រទេសប្រេស៊ីលបាន ហើយចំណែក្រុមហ៊ុន Gradiente ក៏ប្រើបានដែរ។
តុលាការមិនបានបញ្ជាក់ពីមូលហេតុឲ្យច្បាស់លាស់នោះទេ ប៉ុន្តែបើតាមការចាំបាន ក្រុមហ៊ុន Gradiente បានចុះឈ្មោះប្រើស្លាកសញ្ញា iPhone នៅក្នុងប្រទេសប្រេស៊ីលតាំងពីឆ្នាំ ២០០០មកម្ល៉េះ ចំណែក Apple វិញទើបតែមាន iPhone នៅឆ្នាំ ២០០៧ប៉ុណ្ណោះ៕
ចុចត្រង់នេះ ដើម្បីអានអត្ថបទ៖ ស្លាកសញ្ញា “iPhone” មិនមែនជារបស់ Apple
មតិយោបល់