បើយោងតាមប្រភពព័ត៌មានបរទេសនានាដែលចុះផ្សាយនៅថ្ងៃទី ២៧ ខែធ្នូ ឆ្នាំ ២០១៣ បានឲ្យដឹងថា មានឧបទ្ទេវហេតុមួយបានកើតឡើងនៅក្នុងវិទ្យាល័យ Guangming Shenzhen ភាគខាងត្បូងនៃក្រុង Shenzhen ប្រទេសចិន ដែលទាក់ទងទៅនឹងការវាយប្រហារលើសិស្សស្រីរៀនថ្នាក់ទី ១១ ម្នាក់។ ប៉ូលិសបាននិយាយថានៅម៉ោង ៧ និង ៤០ នាទីព្រឹកថ្ងៃទី ២៦ ខែធ្នូ នៅពេលដែលសិស្សកំពុងតែអង្គុយអានសៀវភៅនៅក្នុងថ្នាក់ស្រាប់តែមានបុរសខូចចិត្តម្នាក់ដើរសំដៅមករកនាង ភ្លាមៗនោះគាត់ក៏បានទាញកាំបិតមកចាក់ចំកជនរងគ្រោះ ហើយក៏រត់គេចខ្លួនបាត់តែម្តង។ បើតាមការស៊ីបអង្កេតរបស់ប៉ូលិសបង្ហាញថា មានក្មេងប្រុសម្នាក់បានស្រឡាញ់ជនរងគ្រោះជាយូរមកហើយ ប៉ុន្តែគាត់បានឆ្លើយបដិសេធនូវការចោទប្រកាន់ទៅលើករណីប៉ងសំលាប់នេះ។ មិនយូរប៉ុន្មានគាត់ក៏បានឆ្លើយសារភាពថា ដោយសារតែគាត់ទប់អារម្មណ៍ខូចចិត្តមិនបានក៏ចង់សម្លាប់មិត្តស្រីដោយផ្ទាល់ដៃតែម្តង។ សូមបញ្ជាក់ផងដែរថាឥឡូវនេះជនរងគ្រោះរួចផុតពីគ្រោះថ្នាក់ ហើយកំពុងតែសម្រាកព្យាបាលនៅមន្ទីរពេទ្យ៕
ព័ត៌មានជាតិ
មតិយោបល់