បន្ទាប់ពីបរាជ័យនៅលើទីផ្សារស្មាតហ្វូនម្ដងរួចហើយនោះ នៅពេលនេះ Hewlett-Packard(HP) បានវិលត្រឡប់មកសាជាថ្មី ជាមួយនឹងភាពជឿជាក់ និងក្ដីសង្ឃឹម។
កាលពីថ្ងៃពុធម្សិលមិញនេះ ក្រុមហ៊ុន HP បានប្រកាសបង្ហាញស្មាតហ្វូនចំនួនពីរម៉ូដែល ដែលនឹងចាប់ផ្ដើមលក់នៅលើទីផ្សារប្រទេសឥណ្ឌានាខែកុម្ភៈ ឆ្នាំ ២០១៤។ ការបរាជ័យលើកមុន ត្រូវបានអ្នកស្រី Meg Whitman និយាយថា HP នឹងវិលត្រឡប់ចូលទីផ្សារស្មាតហ្វូនម្ដងទៀត។
កាលពីឆ្នាំ ២០១០ ក្រុមហ៊ុន HP បានទិញក្រុមហ៊ុន Palm Inc ក្នុងតម្លៃ ១,២ពាន់លានដុល្លារអាមេរិក ក្រោយមក លោក Leo Apotheker អតីតនាយកប្រតិបត្តិ HP បានលាឈប់ ដោយសារតែបរាជ័យលើទីផ្សារស្មាតហ្វូន ព្រោះតែមានផ្ទាំងពពកខ្មៅពីរគឺ iOS របស់ Apple និង Android របស់ Google ដែលធ្វើឲ្យ Paml OS ត្រូវបរាជ័យ។
នៅពេលនេះ HP បានចាប់ផ្ដើម និងផលិតនូវស្មាតហ្វូនកូនកាត់ដើម្បីប្រជែងទីផ្សារ ដែលនៅក្នុងនោះវាជាទូរស័ព្ទធម្មតា តែអេក្រង់ធំ និងពោរពេញដោយសមត្ថភាព៕
មតិយោបល់