ចិន៖តាមប្រភពព័ត៌មានបរទេសនានាដែលចុះផ្សាយកាលពីថ្ងៃទី ៩ ខែកុម្ភៈបានឲ្យដឹងថា ក្រុមអ្នកពន្លត់អគ្គិភ័យបានរកឃើញរថយន្តម៉ាក Volkswagen Beetle ពណ៌ក្រហមមួយគ្រឿងត្រូវបានភ្លើងឆេះកាលពីសប្តាហ៍មុននៅក្នុងខេត្ត Jiangsu ទីក្រុង ណានជីងប្រទេសចិន។ ដោយផ្អែកទៅលើកាមេរ៉ាសុវត្ថិភាពនៅជិតរថយន្តនោះ ប៉ូលិសបានចាប់ខ្លួនជនសង្ស័យដែលបានដុតទៅលើរថយន្តនោះ។ តាមវីដេអូឃ្លិបបង្ហាញថានៅម៉ោងប្រហែលជា ៦ ព្រឹកលោក Tran បានទៅក្បែររថយន្ត បន្ទាប់កមក៏បោះភ្លើងទៅលើរថយន្តមួយនោះ។ ពេលដែលរថយន្តចាប់ផ្តើមឆេះគាត់បានចាកចេញពីកន្លែងកើតហេតុទៅបាត់។ លោក Chen ដែលជាគ្នីគ្នារបស់ជនដៃដល់បាននិយាយថា នៅពេលដែលពួកគាត់ស្រវឹង ប្រសិនបើពួកគាត់ដុតរថយន្តគឺធ្វើឲ្យខ្លួនរបស់ពួកគាត់លែងរងារ ព្រោះទទួលបានកំដៅដ៏ខ្លាំងពីការដុតនេះ។ ចុងក្រោយ Tran ដែលជាជនដៃដល់ត្រូវមានកំហុសចំពោះការបំផ្លិចបំផ្លាញទ្រព្យសម្បត្តិ ហើយប៉ូលិសនៅតែបន្តការស៊ើបអង្កេតជាបន្តទៀតក្នុងករណីនេះ៕
មតិយោបល់