ចិនបានហាមឃាត់ការប្រើប្រាស់ប្រព័ន្ធដំណើរការ Windows 8 របស់ក្រុមហ៊ុន Microsoft សម្រាប់កុំព្យូទ័រថ្មីនៅក្នុងស្ថាប័នរដ្ឋ ខណៈពេលដែលក្រុមហ៊ុន Microsoft កំពុងតែព្យាយាមឲ្យអតិថិជនរបស់ខ្លួនផ្ដាស់ប្ដូរពីប្រព័ន្ធដំណើរការចាស់ មកប្រើប្រព័ន្ធដំណើរការថ្មី។
មជ្ឈមណ្ឌលកណ្ដាលរបស់រដ្ឋាភិបាលបានឲ្យដឹងថា កុំព្យូទ័រលើតុ កុំព្យូទ័រយូរដៃ និង Tablet ដែលទិញសម្រាប់ស្ថាប័នរដ្ឋាភិបាលគឺត្រូវតែប្រើប្រព័ន្ធដំណើរការផ្សេង។ ការសម្រេចចិត្តនេះបានធ្វើឡើងប្រមាណជាមួយខែមុននេះ ខណៈពេលដែលក្រុមហ៊ុន Microsoft បញ្ចប់ឲ្យមានការប្រើប្រាស់ប្រព័ន្ធដំណើរការ Windows XP ។
ទីភ្នាក់ងារព័ត៌មានចិន ស៊ិនហួ បានចុះផ្សាយថា ការហាមឃាត់ការប្រើប្រព័ន្ធដំណើរការ Windows 8 នេះគឺរដ្ឋាភិបាលមិនទុកចិត្តប្រព័ន្ធដំណើរការ Windows 8 ទៅលើប្រព័ន្ធសុវត្ថិភាព។
អ្នកនាំពាក្យរបស់ក្រុមហ៊ុន Microsoft បាននិយាយថា ខ្លួននឹងពិភាក្សាពីបញ្ហានេះជាមួយនឹងរដ្ឋាភិបាលនៃប្រទេសចិន៕
មតិយោបល់