សិស្សរាប់លាននាក់នៅទូទៅប្រទេសចិនបានចូលប្រឡងថ្នាក់មហាវិទ្យាជាតិប្រចាំឆ្នាំ ហើយជារៀងរាល់ឆ្នាំគឺតែងតែទទួលបានសិស្សល្អ និងសិស្សអាក្រក់។ការប្រឡងថ្នាក់ជាតិមួយនេះត្រូវបានគេដឹងថា តឹងរឹងបំផុត ព្រោះថារដ្ឋាភិបាលចិនបានយកចិត្តទុកដាក់ទៅលើគុណភាព និងសមត្ថភាពរបស់សិស្ស ដោយក្នុងមួយឆ្នាំៗ មានសិស្សជាច្រើននាក់បានធ្លាក់សម្រាប់ការប្រឡងនេះ។
នៅក្នុងពេលប្រឡងសិស្សជាច្រើនបានលួចមើលប្រូយ៉ុង ដែលដាក់ជាប់ខ្លួន ប៉ុន្តែត្រូវបានអ្នកត្រួតពិនិត្យនៃការប្រឡងដកហូត និងបញ្ឈប់ការប្រឡង ដូច្នេះហើយទើបសិស្សមួយចំនួនបានច្នៃនូវឧបករណ៍បច្ចេកវិទ្យាថ្មីដែលអាចថតយកសំណួរ និងផ្ញើចេញទៅក្រៅដើម្បីទទួលបានចម្លើយ។
ជាក់ស្ដែងនៅឆ្នាំនេះ មានឧបករណ៍មួយចំនួនត្រូវបានដកហូតពីសិស្សខណៈពេលកំពុងប្រឡង និងមុនពេលប្រឡង ដោយឧបករណ៍ទាំងនោះបានបំពាក់នូវកាមេរ៉ា ដើម្បីថតយកសំណួរ។ យោងតាមអាជ្ញាធរបានឲ្យដឹងថា នៅក្នុងឆ្នាំនេះ មានកាមេរ៉ាដែលលួចដាក់បង្កប់នៅក្នុងវែនតា ដែលធ្វើការបញ្ជាពីកាក់(លុយ)ពិសេសមួយ ដែលអាចថតសំណួរ និងផ្ញើចេញទៅក្រៅ។ លើសពីនេះ នៅមានកាមេរ៉ាដែលលាក់ទុកនៅក្នុងប៊ិច និងដបទឹក ចំណែកមួយវិញទៀត គឺឧបករណ៍ថតសំឡេងដែលបង្កប់ទុកនៅក្នុងកាបូបលុយ ជាមួយនឹងឧបករណ៍ពាក់នៅនឹងត្រចៀក។
ប៉ូលិសបានបញ្ជាក់ថា នេះគឺជាការច្នៃប្រឌិតថ្មី សម្រាប់សម័យកាលប្រឡងឆ្នាំនេះ ប៉ុន្តែបើទោះជាយ៉ាងនេះក្ដី ក៏មិនអាចលាក់បាំងពីភ្នែករបស់អ្នកត្រួតពិនិត្យបានដែរ។
ងាកមកប្រទេសកម្ពុជាយើងវិញ ក្រសូងអប់រំ យុវជន និងកីឡា បានប្រកាសរឹតបន្ដឹងការប្រឡងថ្នាក់ទី១២សម្រាប់សម័យកាលឆ្នាំ ២០១៤ សេចក្ដីប្រកាសនេះបានធ្វើឲ្យសិស្សមួយចំនួនដែលមិនមានចំណេះដឹងច្បាស់លាស់ មានការព្រួយបារម្ភ ដោយខ្លាចមិនអាចលួចមើលប្រូយ៉ុងបាន។
គួរបញ្ជាក់ផងដែរថា កាលពីសម័យប្រឡងឆ្នាំ ២០១៣ វិញ្ញាសារប្រឡងភាគច្រើនត្រូវបានបែកធ្លាយ ពេញបណ្ដាញសង្គម Facebook ដូច្នេះមានន័យថា ពេលប្រឡងគឺសិស្សអាចប្រើអ៊ីនធើណែតតាមរយៈទូរស័ព្ទដៃបាន តើចំណុចនេះ ក្រសួងអប់រំ មានបានដឹងដែរឬទេ? តើឆ្នាំនេះ វិញ្ញាសារប្រឡង អាចនឹងបែកធ្លាយដូចឆ្នាំមុនដែរអត់?
https://i1272.photobucket.com/albums/y389/domneng/3D%20Gun/Chinaexame6_zps927b5cb5.jpg
https://i1272.photobucket.com/albums/y389/domneng/3D%20Gun/Chinaexame3_zpsf18ce015.jpg
https://i1272.photobucket.com/albums/y389/domneng/3D%20Gun/Chinaexame2_zps3df6ff8a.jpg
https://i1272.photobucket.com/albums/y389/domneng/3D%20Gun/Chinaexame1_zps0965284e.jpg
https://i1272.photobucket.com/albums/y389/domneng/3D%20Gun/Chinaexame5_zpsda1a0104.jpg
https://i1272.photobucket.com/albums/y389/domneng/3D%20Gun/Chinaexame4_zps5b223249.jpg
មតិយោបល់