​បន្ទាប់ពី​ក្រុមហ៊ុន SONY មិន​ពេញចិត្ត​នឹង​កីឡាករ​បាល់ទាត់​ទាំងអស់​ពាក់​កាស Beats នៅក្នុង​រដូវ​ការ World Cup 2014 នោះ ស្ថាប័ន​បាល់ទាត់​ពិភពលោក FIFA បាន​ចេញ​បម្រាម​ថ្មី​មួយ​គឺ ហាម​កីឡាករ​ទាំងអស់​ពាក់​កាស Beats នៅក្នុង​ពហុ​កីឡដ្ឋាន​។​

FIFA បានបញ្ជាក់​ថា SONY ជា​ក្រុមហ៊ុន​ដែល​ឧបត្ថម្ភ​ធំ​ដល់​ការប្រកួត World Cup ហើយ​ថ្មីៗ​នេះ កីឡាករ​បាល់ទាត់​ជាច្រើន​បាន​ពាក់​កាស Beats នៅក្នុង​ពហុ​កីឡដ្ឋាន ដែល​ជា​ហេតុ​ធ្វើឲ្យ SONY ខឹងសម្បារ ព្រោះ​ថា​ទង្វើ​របស់​កីឡាករ​នីមួយៗ ស្មើ​នឹង​ការផ្សព្វផ្សាយ​ស្លាក​សញ្ញា Beats ដោយ​ប្រយោល​។ FIFA បាន​បញ្ជាក់​បន្ថែម​ទៀត​ថា SONY បាន​ចុះកិច្ចសន្យា ជាមួយ FIFA មិន​អនុញ្ញាត​ឲ្យមាន​ការផ្សា​យ​ពាណិជ្ជកម្ម ឬ​ពាក់​ផលិតផល​របស់​គូរ​ប្រកួតប្រជែង អំឡុង​ពេល​ប្រកួត និង​ពេល​ផ្តល់​កិច្ច​សម្ភាស ជាមួយ​សារព័ត៌មាន​។​

​គួរ​បញ្ជាក់​ផង​ដែរ​ថា Beats ត្រូវបាន​ក្រុមហ៊ុន Apple ទិញ​កាលពី​ថ្មីៗ​នេះ ក្នុងតម្លៃ​ជាង ៣​ពាន់​លាន​ដុល្លារ​អាមេរិក ហើយ​ក្រោយពី​ទិញ​ភ្លាម Beats ក៏​បាន​ចេញ​វីដេអូ​ផ្សព្វផ្សាយ​ពាណិជ្ជកម្ម​មួយ​ដែល​ទាក់ទង​នឹង​ការប្រកួត World Cup ផងដែរ​៕​

ទស្សនាឃ្លិបដូចខាង​ក្រោមនេះ៖