ភ្នំពេញ ៖ ទាក់ទិននឹង វប្បធម៌ខ្មែរ តែងតែមានបណ្តាប្រទេសជិតខាង កេងចំណេញ និង ពន្លំថាខ្មែរ ជាអ្នកលួច នូវវប្បធម៌របស់គេ ទាំងនេះគឺជារឿងដែលមិនសាកសម ទាល់តែសោះឡើយ ដែលជាការបង្ខូចមួយខុសច្បាប់ដើម និងជះកំហឹងដល់កូនខ្មែរ ជាពន់ពេក ។
ម្តងហើយម្តងទៀត ថៃ តែងតែយល់ខុស ពីពូជពង្សាវតារបស់ខ្លួន ថាខ្មែរជាអ្នកលួច ចម្លងវប្បធម៌របស់ពួកគេ ដោយនេះមិនមែនជាលើកទី ១ នោះទេ កន្លងមក កាលពីឆ្នាំ ២០០៣ តារាថៃនាង Suvanant Kongying ដែលខ្មែរហៅថានាង ផ្កាយព្រឹក បានអះអាងថា កម្ពុជាបានលួចប្រាសាទអង្គរវត្ត ពីប្រទេសថៃ ។ ជាមួយនឹងពាក្យសម្តីនាង ផ្កាយព្រឹកនេះ បានធ្វើឲ្យប្រជាពលរដ្ឋខ្មែរ ជាច្រើនខឹងសម្បារ ឈានដល់ថ្នាក់ដុតទូតថៃ ធ្វើឲ្យរដ្ឋាភិបាលកម្ពុជាល្វីងមុខ សងដល់ថៃ ជាច្រើនរយលាន។
រឿងនេះដែរ នៅតែបន្តយល់ច្រឡំ រហូតមកដល់សព្វថ្ងៃនេះ ដោយសារតែថៃ មានឈ្មោះដើមជាសៀម ប្រែថា ជាចោរ នោះ នៅតែបន្តចាក់គ្រឹះក្លែងបន្លំ ដោយកែប្រែប្រវត្តិសាស្ត្របោះពុម្ពផ្សព្វផ្សាយថា វប្បធម៌ខ្មែរ ជារបស់ថៃ ឬខ្មែរ លួចពីថៃ ដោយបូករួមទាំងអក្សរផងដែរ ។
ទន្ទឹមជាមួយនឹងគ្នានេះ សិល្បៈករផ្នែកបុរាណម្នាក់ បានឲ្យដឹងថា “លោកតែងតែចេញទៅសម្តែងនៅក្រៅប្រទេស ដោយការចេញសម្តែងនោះ ពាំនាំរបាំងបុរាណខ្មែរជាច្រើន ចាស់ និងថ្មី ធ្វើយ៉ាងណាផ្សព្វផ្សាយវប្បធម៌ និង អរិយធម៌ ដ៏ចំណាស់របស់ខ្លួនទៅកាន់ពិភពលោក។ ក៏ប៉ុន្តែមានប្រទេសជាច្រើណាស់ដែលគេកំពុងយល់ច្រឡំ ដោយនិយាយមករកខ្លួនថា ខ្ញុំពិតជាស្គាល់អរិយធម៌អ្នកខ្លាំងណាស់ ដែលជាអរិយធម៌ និងសិល្បៈចម្លងពីថៃ ត្រង់សម្តីមួយឃ្លានេះ បានធ្វើឲ្យលោកវិលមុខឈឹងតែម្តង ហើយព្យាយាមពន្យល់ទៅពួកគេវិញ ទាក់ទងនឹងដើមកំណើតខ្មែរ កើតមុនថៃ ដោយមានប្រាង្គប្រាសាទ ជាសំអាង ទើបពួកគេយល់លែងគិតខុសដូចមុន ដោយនិយាយបកមកយើងវិញថា ពូកគេយល់ខុសយូរហើយ ដោយសារតែកន្លងមកនៅពេលដែលថៃ មកសម្តែងពួកគេតែងតែថា ខ្មែរជាអ្នកលួចសិល្បៈ និងវប្បធម៌ ទើបជឿតែម្តងទៅ តែពេលនេះភ្លឺភ្នែក ។ សិល្បៈករសូមមិនបញ្ចេញឈ្មោះខាងលើ បានប្រាប់បន្តថា រាល់ការសម្តែងធំនៅតំបន់អាស៊ី ឬបណ្តាប្រទេសអឺរ៉ុបផ្សេងៗទៀត ឲ្យតែឭថាខ្មែរ ទៅចូលរួមដែរ ខាងថៃ បានបដិសេធ មិនទៅសម្តែងនោះទេ ព្រោះខ្លាចភូតគេមិនបានសម្រេច ថា ខ្មែរលួចវប្បធម៌ពូកគេ “ ។
លោកបន្ថែមទៀថា “ដោយសារតែ ការសាបព្រោះផ្នែកសិក្សា ដោយបញ្ចូលកម្មវិធីផ្នែកប្រវត្តិវិទ្យា កែប្រែឲ្យក្មេងថៃ យល់ច្រឡំ តាំងពីតូចមកម្លេះ ដោយជាប់ផ្នត់គំនិត ថា អង្គរវត្តជារបស់ពួកគេ និងវប្បធម៌ អរិយធម៌ ជាច្រើនទៀត ចោទថាខ្មែរបានលួច ទើបកើតរឿងនេះឡើង។ អ្វីដែលធ្វើឲ្យខ្មែរ កាន់តែឈឺចាប់ជាងនេះទៅទៀត ខណៈលោកបានឮផ្ទាល់ត្រចៀកនៅពេលដែលថៃ វាយកូនវាដោយនិយាយទៅកូនថា “បើឯងល្ងង់យ៉ាងនេះ ជាតិក្រោយកុំកើតជាថៃ កើតជាខ្មែរទៅ” មួយឃ្លានេះ ពិតជាចោទថាខ្មែរល្ងង់ខ្លៅ មិនដឹងអ្វី”។
ជាចុងក្រោយ សិល្បៈករខាងលើបាន និយាយទាំងឈឺចាប់ថា “លោក ពិតជាអន់ចិត្តខ្លាំងណាស់ ដែលខ្មែរ ខ្លួនឯង មិនគិតត្រង់ចំណុចនេះ ជាពិសេសមិនបានផ្សព្វផ្សាយឲ្យទូលំទូលាយ នូវវប្បធម៌ របស់ខ្លួន ទៅកាន់ពិភពលោក ដែលធ្វើឲ្យពិភពលោកយល់ច្រឡំម្តងហើយ ម្តងទៀតថា មិនមែនជារបស់ខ្មែរ” ៕
មតិយោបល់