សៀមរាបការជួយជ្រោមជ្រែងរបស់លោកអ្នក គឺជាការផ្តល់កំលាំងទឹកចិត្តដ៏ធំមួយ ដល់សិល្បៈល្ខោន សៀកខ្មែរ លើឆាកកម្ពុជាអោយនៅតែមានជីវិតបន្ត ពីព្រោះទីតាំងសម្តែងសិល្បៈអចិន្ត្រៃយ៍និងជាលក្ខណៈអាជីពគឺជាក្តីសង្ឃឹមរបស់សិល្បករសិល្បការិនីដើម្បីបន្ទាប់ពីបានតស៊ូយ៉ាងសស្រាក់សស្រាំ អស់រយៈពេលជិត២០ ឆ្នាំ ក្នុងការពាំនាំនិងធ្វើរស់ឡើងវិញនូវសិល្បៈល្ខោនសៀកកម្ពុជាមកសម្តែងនៅលើឆាក ហើយការតស៊ូររបស់សមាគមហ្វារពន្លឺសិល្បៈ (www.PharePs.org) នេះបានធ្វើអោយល្ខោនសៀកខ្មែរនេះមានកេរ្តិ៏ឈ្មោះល្បីល្បាញលើឆាកជាតិក៏ដូចជាអន្តរជាតិ។
ទន្ទឹមនឹងភាពជោគជ័យ ល្ខោនសៀកខ្មែរនេះបានជួបបញ្ហាការលំបាកដោយសារតែទីតាំង ក៏ដូចជាទីកន្លែងសម្តែងល្ខោនសៀកខ្មែរ ដែលកំពុងសម្តែងសព្វថ្ងៃ នៅក្នុងខេត្តសៀមរាប ពុំមែនជាទីកន្លែងអចិន្ត្រៃយ៍ ដូចនេះវាជាការព្រួយបារម្ភដ៏ធំមួយសំរាប់សមាគមហ្វារពន្លឺសិល្បៈ។
អាស្រ័យដូចនេះសមាគមហ្វារពន្លឺសិល្បៈ កំពុងតែអំពាវនាវស្វះស្វែងរកជំនួយពី បងប្អូនជនរួមជាតិខ្មែរទាំងអស់ជួយចូលរួមដើម្បីអោយហ្វារមានទីតាំងជាអចិន្ត្រៃយ៍ផ្ទាល់ខ្លួនមួយ ក្នុងគោលបំណងបន្តនូវការផ្តល់នូវក្តីសង្ឃឹមនឹងស្នាមញញឹម ជាពិសេសនោះ គឺបន្តផ្តល់នូវទស្សនីយភាពប្លែកៗ សម្រាប់លើកស្ទួយវិស័យសិល្បៈល្ខោនសៀកខ្មែរ ដែលរាល់ការសម្តែងទាំងអស់សុទ្ធសឹងតែជួយឧបត្ថម្ភជីវភាពគ្រួសាររបស់សិល្បៈករ សិល្បៈការនី និងទ្រទ្រង់ទៅដល់សាលាហ្វារពន្លឺសិល្បៈនៅខេត្តបាត់ដំបងដែលមានទទួលសិស្សចូលរៀនយ៉ាងហោចណាស់ជាង ១២០០ នាក់ជារៀងរាល់ថ្ងៃ។លោក ហួត តារា ជានាយកសហគ្រាសសង្គម ហ្វារប្រចាំនៅខេត្តសៀមរាប WwwPhareCambodianCircus.org ) បាននិយាយថា ទីតាំងសម្តែងសព្វថ្ងៃនេះ នឹងត្រូវផុតកំណត់នាពេលអនាគតដ៍ខ្លីខាងមុខនេះលោកបានបញ្ជាក់ថាតម្លៃនៃការជួលទីតាំងនេះ គឺខ្ពស់ណាស់ទៅហើយ។លោក តារា ថ្លែងថា៖«ជារៀងរាល់ថ្ងៃ សាលាយើងនៅត្តបាត់ដំបង ទទួលបង្រៀន និងឧបត្ថម្ភផ្នែកសង្គម ដល់សិស្សានុសិស្ស ដែលមានជីវភាព លំបាកយ៉ាងតិច ១២០០ នាក់ ជារៀងរាល់ថ្ងៃ ទាក់ទង់និងចំណេះដឹងខាងផ្នែកសិល្បៈនិងចំណេះដឹងផ្សេងៗទៀត ដែលពួកគេចង់រៀន។ ទាំងអស់នេះហើយ គឺជាក្តីបារម្ភរបស់ពួកយើងដោយសារតែទីតាំងសម្តែងដែលយើង នៅខេត្តសៀមរាប ដែលជាសហ-គ្រាសសង្គម ជាអក្នរកចំណូលមកឧបតម្ថសមាគមន៏ យើងទីតាំងនេះ ជិតផុតកំណត់ជួលហើយ ហើយយើងមិនមានសង្ឃឹមនឹងត្រូវបានការជួលបន្តនោះឡើយ។សមាគមនេះបានចាប់ផ្តើមបោះទីតាំងសម្តែងក្នុងខេត្តសៀមរាបជាលក្ខណ សហគ្រាសសង្គម ក្នុងឆ្នាំ ២០១៣ដែលទីតាំងនេះ ជាកន្លែងដែលសិស្សបញ្ចប់ការសិក្សាផ្នែកសិល្បៈមានឱកាសបង្ហាញពីចំណេះដឹងដែលគេបានរៀន និងភាពច្នៃប្រឌិតរបស់ពួកគេ តាមរយៈការសម្តែងសាច់រឿងអប់រំនានាដើម្បីស្វែងរកគោលដៅជីវិតរបស់ពួកគេ ព្រមទាំងអាចអោយពួកគេអាចរកប្រាក់ចំណូលជួយដល់គ្រួសារពួកគេផងដែរ។
លោក តារា ថ្លែងថា៖ «សហគ្រាសសង្គម យើងគ្មានលទ្ធភាពជួលទីតាំងនេះតទៅទៀត ពីព្រោះយើងជឿជាក់ថា តម្លៃរបស់វានឹងកើនឡើង។ ពួកយើងត្រូវការទីតាំងអចិន្ត្រៃយ៍សម្រាប់សិល្បករសិល្បការិនី របស់យើងដើម្បីគាំទ្រដល់ខ្លួនគេនិងគ្រួសាររបស់គេ ជាពិសេស វាជាជំនួយដ៏ធំបំផុតក្នុងការបន្តសិល្បៈល្ខោនសៀកខ្មែរដែលទើបតែរស់រានមានជីវិតឡើងវិញនេះដែលកំពុងសាងកេរ្តិ៏ឈ្មោះល្បីដល់ប្រទេសជាតិទាំងមួលផងដែរ»។
រាល់ជំនួយរបស់អ្នកមិនត្រឹមតែជួយទៅដល់អនាគតរបស់សិល្បៈករ សិល្បៈការនី ដ៏ទៃទៀតដែលមានជីវភាពលំបាកនោះទេ ប៉ុន្តែលោកអ្នកក៏បានរួមចំណែកក្នុងការបន្តជីវិតសិល្បៈល្ខោនសៀកខ្មែរនេះនៅតែមានលើឆាកជាតិ ក៏ដូចជាឆាកអន្តរជាតិ លើសពីនេះទៅទៀតគឺកុំឲ្យសិល្បះល្ខោនសៀកខ្មែរបាត់បង់ដូចពីមុនទៀត ។
លោក តារានិយាយថា៖«យើងជឿជាក់ថា សិល្បៈពិតជាអាចកែប្រែជីវិតរបស់យុវជនកម្ពុជា ដូច្នេះការមានទីតាំងផ្ទាល់ខ្លួនមួយនេះ នឹងធ្វើឲ្យសិល្បៈករ សិល្បៈការនី ក៏ដូចជាយុវជនកម្ពុជា អាចមានឱកាសពាំនាំនូវសិល្បៈសៀកដ៏ចំណាស់របស់ខ្មែរមួយនេះទៅកាន់ពិភពលោក ដែលសិល្បៈនេះតែងតែធ្វើឲ្យបរទេសកោតសរសើរពីទេពកោសល្យខ្មែរមិនដាច់ពីមាត់»៕
មតិយោបល់