រដ្ឋាភិបាលរបស់ប្រធានាធិបតីអាមេរិក បារ៉ាក់អូបាម៉ា បានប្រកាស់ថានិងដាក់ទណ្ឌកម្មដល់ប្រទេសណាបុគ្គលណាបានទិញប្រេងពីក្រុមអិស្លាមបង្កើតរដ្ឋ IS នៅក្នុងប្រទេសស៊ីរីនិងអីរ៉ាក់។
ច្បាប់ដាក់ទណ្ឌកម្មនឹងកាត់ផ្តាច់រាល់ទំនាក់ទំនងហិរញ្ញវត្ថុជាមួយអាមេរិកនិងធានាគាជាច្រើនផ្សេងទៀតនៅលើពិភពលោក ព្រមទាំងក្រុមហ៊ុន កណ្តលទៀតផង ប្រសិនបើប្រទេសណាឬបុគ្គលណាបានទិញប្រេងពី IS ។
ក្រៅពីនេះអាមេរិកក៏បានខិតខំទប់ស្កាត់ប្រាក់ចំណូលរបស់ ក្រុម IS តាមច្រកផ្សេងៗដូចជា ផ្តាល់ប្រាក់លោះ ដោះដូរចំណាប់ខ្មាំងដែលពួកគេចាប់ទៅ។ ទាំងនេះជាការខិតខំរបស់អាមេរិក ដើម្បីធ្វើឲ្យប្រាក់ចំណូលរបស់ក្រុមអិស្លាមថយចុះ។ បច្ចុប្បន្នក្រុមIS រកប្រាក់ចំណូលបានរហូតដល់ទៅ១លានដុល្លារក្នុងមួយថ្ងៃ ទើបជួយក្រុមនេះបង្កើនកម្លាំងនិងសព្វាវុធវាយប្រហារគ្រប់ទឹសទី។មេរិកលោកDavid Cohen បានបញ្ចាក់ថា IS ដណ្តើមបានការគ្រប់គ្រងតំបន់យ៉ាងធំនៅក្នុងប្រទេសស៊ីរីនិងអីរ៉ាក់ ក្រុមនេះនិងបង្កើនការវាយប្រហារគម្រាមកំហែងដល់អាមេរិកនិងសម្ព័ន្ធមិតប្រសិនបើមិនទប់ស្កាត់ពីពេលនេះទៅ។
ជារៀងរាល់ខែក្រុមIS រកបានប្រាក់ចំណូលរាប់សិបលានដុល្លារ តាមរយការលក់ប្រេង ប្រាក់លោះចំណាប់ខ្មាំង ។ លើលពីនេះទៅទៀតនៅមានក្រុមអ្នកមានទ្រព្យសម្បត្តិស្តកស្តម ជួយពីក្រោយ ឧប្បធម្មដល់ក្រុមនេះទៀតផង។
លោក Cohen បន្តទៀតថា បច្ចុប្បរដ្ឋាភិបាលអាមេរិកនិងសម្ព័ន្ធមិត្តកំពុងពិភាគ្សាស្វែងរកវិធីសាស្ត្រទប់ស្កាត់ក្រុមIS ពីសេសប្រភពចំណូល ។ គេបានដឹងថាក្រុមIS បានលក់ប្រេងយ៉ាងច្រើននៅទីផ្សាងងឹតក្នុងប្រទេសស៊ីរីនិងអីរ៉ាក់ ក្នុងនោះមានការជួយរដូរចូលទឹកដីទួរគីទៀតផង។ពិភពលោកទាំងមូលមិនទាន់រកចម្លើយឃើញនៅសំណួរសួរថា តើអ្នកណា ប្រទេសណា បានទិញប្រេង និងលក់សព្វាវុធទៅឲ្យក្រុម IS សម្រាប់បង្កើតទឹកដីអ៊ិស្លាម ?
តាមតួលេខរបស់ក្រុមស្រាវជ្រាវស្តីពីសព្វាវុធដែលរឹបអូសបានក្រោយការវាយប្រហារទៅលើក្រុម IS នៅភាគខាងត្បូងអ៊ីរ៉ាក់ និងប្រទេសស៊ីរីបង្ហាញឲ្យឃើញថា មានប្រភពផ្គត់ផ្គង់សព្វាវុធជាច្រើនទៅឲ្យក្រុម IS ។
ក្រុមអ្នកស្រាវជ្រាវមកពីមជ្ឈមណ្ឌលគ្រប់គ្រងសព្វាវុធ Conflic armament research បានឲ្យដឹងថា មានប្រភេទសព្វាវុធ និងគ្រាប់ជាង១.៧០០ ដែលក្រុម IS ដណ្តើមយកពីប្រទេសស៊ីរី និងអ៊ីរ៉ាក ហើយអាវុធទាំងនោះប្រទេសជុំវិញពិភពលោកបានផ្តល់ជំនួយទៅឲ្យ ក្រុមប្រឆាំងនៅស៊ីរី និង អ៊ីរ៉ាក់ ។លោក James Bevan អគ្គនាយកមជ្ឈមណ្ឌលស្រាវជ្រាវ CAR បាននិយាយទៅកាន់សារព័ត៌មានNew York times ថា ក្រុម IS បាន ដណ្តើមយកសព្វាវុធពីឃ្លាំងសព្វាវុធនៅប្រទេសស៊ីរី និង នៅប្រទេសអ៊ីរ៉ាក់ ហើយអាវុធទាំងនោះភាគច្រើនផលិតនៅក្នុងប្រទេសអាមេរិក និងរុស្ស៊ី ព្រមទាំងប្រទេសមួយចំនួនទៀតនៅមជ្ឈឹមបូព៌ា ។
ការវាយប្រហារកន្លងមករបស់អាមេរិក និងសម្ព័ន្ធមិត្តបានបង្ហាញឲ្យឃើញថា ការវាយប្រហារតាមដែនអាកាសមិនគ្រប់គ្រាន់ក្នុងការរារាំងក្រុម IS រុល ទៅមុខនោះឡើយ ។ ទាំងនោះបានបង្ហាញថា ក្រុមនេះមានប្រព័ន្ធហិរញ្ញវត្ថុ និងសព្វាវុធសម្បូណ៌បែប តាមរយៈការដណ្តើមគ្រប់គ្រងអណ្តូងប្រេងនៅអ៊ីរ៉ាក់ ។ តើប្រេងទាំងនោះលក់ទៅឲ្យអ្នកណា ប្រទេសណា ?លោកស្រី Jana hybaskova អគ្គ រដ្ឋទូតអឺរ៉ុបប្រចាំនៅប្រទេសអ៊ីរ៉ាក់ថា បណ្តាប្រទេសជាសមាជិកសហគមន៍អឺរ៉ុបមួយចំនួនបានទិញប្រេងពី ក្រុម IS ។ ប៉ុន្តែលោកស្រីមិនបានផ្តល់ព័ត៌មានច្បាស់លាស់ថាប្រទេសណាមួយនោះឡើយ ។
ចាប់តាំងពីឆ្នាំ១៩៩៦ដល់ឆ្នាំ២០០៣ ក្នុងរយៈពេល៦ខែ អ៊ីរ៉ាក់លក់ប្រេងបាន២ពាន់លានដុល្លារ ក្នុងលក្ខខណ្ឌពលរដ្ឋជាអ្នកទទួលបានប្រាក់ចំណូល ។ រដ្ឋាភិបាល សាដាម ហ៊ូសេន បានបង្កើតបណ្តាញពិសេស ឲ្យពលរដ្ឋលក់ប្រេងខុសច្បាប់តាមព្រំដែន អាចនាំមកនៅទឹកប្រាក់រហូតដល់ទៅ១១ពាន់លានដុល្លារឲ្យរដ្ឋាភិ បាល សាដាម ហូសេន ។ ដូច្នេះក្រុម IS អាច ប្រើប្រាស់វិធីសាស្ត្រខុសច្បាប់តាមរបបចាស់របស់អីរ៉ាក់ គឺអាចលក់ប្រេងបានច្រើន រកប្រាក់ចំណូលរាប់លានដុល្លារមកឲ្យក្រុមខ្លួន ។
បច្ចុប្បន្ន មានបណ្តាញលក់ប្រេងខុសច្បាប់ ឬប្រេងគេចពន្ធមានពីបណ្តាញនៅព្រំដែនទួរគី ។ មួយវិញទៀតប្រេងដែលក្រុម IS លក់ទៅឲ្យទួរគីមានតម្លៃទាបជាងច្រើន ទើបទាក់ទាញបានក្រុមអ្នកទិញប្រេងខុសច្បាប់បានយ៉ាងច្រើន ។ ទីបំផុត ប្រេងទាំងនោះត្រូវបាននាំចូលទៅកាន់តំបន់អីរ៉ុប តាមរយៈការទិញប្រេងពីទួរគីរបស់អឺរ៉ុប ដោយមិនដឹងថា ជាប្រេងរបស់ក្រុម IS នាំចូលខុសច្បាប់ទៅកាន់ទួរគីឡើយ ។ទាំងនោះហើយទើបក្រុមអ៊ិស្លាមមានកម្លាំងគ្រប់គ្រាន់សម្រាប់ពង្រីកទឹកដីរបស់ខ្លួន និងទប់ទល់ការវាយប្រហារពីលោកខាងលិច ៕
មតិយោបល់