បន្ទាប់ពីយុទ្ធសាស្ត្រលេងបរបស់អ្នកចាត់ការទូទៅ Luis Enrique ធ្លាក់ចុះ នៅទីនេះដែរ ស្រាប់តែមានពាក្យចចាមអារាមថា ​កីឡាករ Lionel Messi អាចនឹងចាកចេញពី​ក្លិប Barcelona ដែលជា​ការផ្ទេរមួយប្រវត្តិសាស្ត្រ​។​
ពាក្យចចាមអារាម កំពុងតែដុតថា កីឡាករ Lionel Messi ​ចាកចេញ នេះកំពុងតែ​ក្លាយជាប្រធានបទមួយដ៏ធំ តែ​អ្វីដែលសំខាន់នោះ ក្លិបធំៗ​ដែលចង់បាន កីឡាករ Lionel Messi ត្រូវត្រៀមប្រាក់ ៦០០ លានដុល្លារ ​ដើម្បីយកគាត់ចេញពី Barcelona ។​

ប៉ុន្តែ​ទោះជាយ៉ាងនេះក្តី លោក Guillem Balague ដែល​ជា​អ្នកសារព័ត៌មាន​ផ្នែក​កីឡាកររបស់អេស្ប៉ាញ បាន​បញ្ចេញមតិថា ​វា​មិនអាចទៅរួច​នោះទេ ដែល Messi ចាកចេញពីក្លិប ដែលខ្លួនលេង​តាំងពីយុវវ័យនោះ បើសិនរឿងនេះកើតមែន ព័ត៌មាននេះ អាចនឹងកើតឡើងពី ៦ ទៅ ៧ ខែមុនម្លេះ ។​
រឿងនេះផ្ទុះឡើង ក្រោយ Luis Enrique មិនដាក់ Messi ជាជម្រើសទី ១ ធ្វើឲ្យក្លិបនេះចាញ់ Real Sociedad ក្នុងលទ្ធផល ១ ទល់នង ០ កាលពីថ្ងៃអាទិត្យ ។​
ក្រោយមកទៀត កាន់តែធ្វើឲ្យ Messi ខឹងនោះ គឺរៀង ដេញកីឡាករជើងចាស់ Carlos Puyol ចេញពីក្លិប ហើយគេក៏ឃើញ Messi ចាប់ផ្តើម ចុច Follow ក្លិប Chelsea និងអ្នកលេងពីរនាក់ផ្សេងទៀត នៅលើ Instagram ។​

សញ្ញា​នេះបញ្ជាក់ថា Messi កំពុងរកវិធី ចាកចេញពីក្លិប ​ទៅកាន់តោខៀវ ​ជាក់ជាមិនខាន ។​
ជាមួយនឹងគ្នានេះដែរ កីឡាករ PSG លោក Argentine Javier Pastore សញ្ជាតិអាហ្សង់ទីន បានប្រាប់ដល់សារព័ត៌មានថា ៖ បើសិនជា Messi ប្រកាស់ចាកចេញមែន ​ជាក់ណាស់ ម្ចាស់ក្លិប PSG នឹងត្រៀមលុយទិញគាត់ រឿងលុយ ៦០០ លានដុល្លារនេះ វា​មិនមែន​ជារឿងឈឺក្បាលរបស់ក្លិបឡើយ​៕