ការប្រើប្រាស់គ្រឿងថែរក្សាស្បែកគឺជារឿងត្រឹមត្រូវសម្រាប់ស្រ្តីគ្រប់រូប ប៉ុន្តែចូរអ្នកចាំថា អាហារធម្មជាតិក៏ជួយឲ្យការពារស្បែកឲ្យមានសុខភាពល្អ និងស្រស់ស្អាតផងដែរ ជាក់ស្ដែងដូចជាការផឹកទឹកជាដើម។ តើការផឹកទឹកពិតជាជួយឲ្យស្បែកមានសុខភាពល្អ និងស្រស់ស្អាតមែនទេ? ជាការពិតណាស់ ប៉ុន្តែក៏ត្រូវពឹងផ្អែកទៅលើពេលវេលានៃការផឹកទឹកផងដែរ។
ខាងក្រោមនេះ ជាវេលាដ៏ល្អបំផុតដែលអ្នកគួរទទួលទានទឹក ដើម្បីឲ្យស្បែកមានសុខភាពល្អ និងស្រស់ស្អាត៖
០១) ផឹកទឹកឆ្អិន (ទឹកក្ដៅ) នៅពេលព្រឹក
នៅពេលក្រោកពីគេង អ្នកគួរទទួលទានទឹកដែលមានកម្ដៅល្មមចំនួនមួយកែវ នៅក្នុងបន្ទប់គេង ព្រោះថាសីតុណ្ហភាពទឹកក្ដៅ និងបរិយាកាសនៃបន្ទប់គេង បានជួយដល់សុខភាពស្បែកដែលអ្នកស្រាវជ្រាវបានបង្ហាញថាគឺល្អបំផុត។ តាមការស្រាវជ្រាវ បានបញ្ជាក់ថា គួរទទួលទានទឹកក្ដៅល្មមនៅពេលព្រឹក ព្រោះវាជួយឲ្យស្បែកមានសុខភាពល្អ និងស្រស់ស្អាត ជាពិសេសបានជួយកាត់បន្ថយការរលាកក្រពះ និងពោះវៀន និងបង្កើនភាពស៊ាំងទៅនឹងរាង្គកាយ។
០២) ផឹកទឹកក្រូវថ្លុងនៅពេលថ្ងៃត្រង់
នៅក្នុងទឹកក្រូចថ្លុងមានបរិមាណវីតាមីន C ច្រើនបំផុត ដោយយោងតាមការសិក្សាបានបញ្ជាក់ថា បរិមាណវីតាមីន C នៅក្នុងក្រូចថ្លុង មានច្រើនជាងក្រូចឆ្មា។ វីតាមីន C ដែលមាននៅក្នុងទឹកក្រូចថ្លុង អាចជួយស្បែកប្រឆាងនឹងរ៉ាឌីកាលសេរី បង្កើតឡើងដោយកម្មរស្មី UV និងជួយជំរុញការរំលាយអាហារ ការពារស្បែកជ្រាវជ្រួញ ជាពិសេសធ្វើឲ្យស្បែកសរលោង។ អ្នកវិទ្យាសាស្ត្របានផ្ដល់ដំបូន្មានថា ផឹកទឹកក្រូចថ្លុងជារៀងរាល់ថ្ងៃ ជួយរក្សារាង្គកាយឲ្យមានសុខភាពល្អ និងស្បែករលោង។
០៣) ផឹកតែបៃតងនៅពេលល្ងាច
ពពួកតែបៃតង់ ត្រូវបានក្លាយជាភេសជ្ជដ៏ពេញនិយមសម្រាប់ជីវិតរស់នៅប្រចាំថ្ងៃរបស់មនុស្សមួយចំនួន។ តែបៃតង មានផ្ទុកសារធាតុប្រឆាំងអុកស៊ីតកម្ម អាចជួយកង្ការជំងឺមហារីក។ លើសពីនេះ តែបៃតងត្រូវបានគេរកឃើញថា បានជួយឲ្យស្បែកមានសុខភាពល្អ និងស្រស់ស្អាត ព្រមទាំងផ្ដល់អត្ថប្រយោជន៍ជាច្រើនដល់សុខភាព៕
ដក់ស្រង់ និងប្រែសម្រួល៖ ទស្សនាវដ្ដីសុខភាពពិភពលោក
មតិយោបល់