ក្មេងស្រីអាយុប្រហែល៧ឆ្នាំបានវាយ ប្រហារគ្រាប់បែកអត្ដឃាតនៅក្នុងផ្សារ មួយ នៅទីក្រុងPotiskum ភាគឦសាន ប្រទេសនីហ្សេរីយ៉ាបណ្ដាលឱ្យមនុស្ស៦ នាក់ស្លាប់ រួមទាំងកុមារីផងដែរ និងជា ច្រើននាក់ផ្សេងទៀតរងរបួស ។
ហេតុការណ៍វាយប្រហារខាងលើ កើតឡើងនៅវេលាម៉ោង១៣និង៣០នាទី ថ្ងៃទី២៣ ខែកុម្ភៈ ចំពេលដែលនៅក្នុង ផ្សារមានមនុស្សកកកុញបំផុត ។ ការ វាយប្រហារនោះកើតឡើងក្នុងថ្ងៃដែល ប្រធានាធិបតីនីហ្សេរីយ៉ា លោកហ្គូឡាក់ ចូនីថាន ប្រកាសទទួលស្គាល់ពីការវាយ តម្លៃទាបទៅលើលទ្ធភាពរបស់ក្រុម អ៊ិស្លាមបូកូហារ៉ាមដែលបង្កអសន្ដិសុខ ការព្រួយបារម្ភដល់សង្គមនីហ្សេរីយ៉ា ។
សន្ដិសុខម្នាក់ដែលយាមនៅផ្សាររង ការវាយប្រហារខាងលើបានរៀបរាប់ឱ្យ ដឹងថា លោកបានស្នើឱ្យកុមារីវាយ ប្រហារគ្រាប់បែកអត្ដឃាតខាងលើចេញ ពីទីផ្សារនេះដល់ទៅ៤លើក ប៉ុន្ដែកុមារី នៅតែព្យាយាមចូលទៅខាងក្នុងហើយ បំផ្ទុះគ្រាប់បែកដែលលាក់នៅក្នុងខ្លួន តែម្ដង ។
ក្រុមអ៊ិស្លាមបូកូហារ៉ាមត្រូវបាន មន្ដ្រីសន្ដិសុខចោទប្រកាន់ថា ជាអ្នកនៅ ពីក្រោយខ្នងការប្រើប្រាស់កុមារសម្រាប់ វាយប្រហារគ្រាប់បែកអត្ដឃាតនៅទី ប្រជុំជន ងាយស្រួលឆ្លងកាត់ក្រសែភ្នែក ក្រុមសន្ដិសុខ ៕
មតិយោបល់