មានសំណួរជាច្រើន បានចោរសួរលោក Mark Zuckerberg នៅក្នុងវេទិកា FB កាលពីម្សិលមិញ ប៉ុន្តែសំណួរដែលគេចាប់អារម្មណ៍គឺថា ហេតុអ្វីបាន Mark Zuckerberg ទិញយក WhatsApp, Instagram ហើយព្យាយាមពង្រឹង និងពង្រីកវិសាលភាពនៃកម្មវិធី Facebook Messenger ខ្លាំងទៅលើស្មាតហ្វូន?
សំណួរនេះ ត្រូវបាន Mark Zuckerberg ពន្យល់ថា បច្ចុប្បន្ន អត្រានៃការប្រើប្រាស់ស្មាតហ្វូនបានកើនឡើងខ្ពស់ ជាពិសេសគឺការប្រើប្រាស់អ៊ីនធើណែត ដោយស្ទើរតែពេសពេញពិភពលោកទាំងមូល ទីណាក៏មានអ៊ីនធើណែតដែរ ដូច្នេះហើយ ទើបលោកទិញ WhatsApp, Instagram ជាពិសេសគឺមិនបោះបង់កម្មវិធី Facebook Messenger របស់ខ្លួន ព្រោះវានឹងក្លាយជាប្រភពចំណូលធំតាមរយៈស្មាតហ្វូន។ បន្ថែមលើនេះ Mark Zuckerberg បាននិយាយថា បច្ចុប្បន្នមនុស្សម្នាក់បានប្រើប្រាស់ពេលវេលាជាង ១ភាគ៣ក្នុងមួយថ្ងៃ ដើម្បីប្រើប្រាស់អ៊ីនធើណែត។
នៅក្នុងន័យនេះ អ្នកវិភាគជាច្រើនបានលើកឡើងថា Mark Zuckerberg ចង់គ្រប់គ្រងពិភពលោក តាមរយៈកម្មវិធីផ្ញើសារជាអក្សរ សំឡេង រូបភាព វីដេអូ នូវសកម្មភាពគ្រប់បែបយ៉ាង ខណៈដែលបច្ចុប្បន្នអ្នកប្រើ Facebook មានចំនួន ១,៤ពាន់លាននាក់, Facebook Messenger មានចំនួន ៦០០លាននាក់, WhatsApp ចំនួន ៧០០លាននាក់ និង Instagram ចំនួន ៣០០លាននាក់៕
ព័ត៌មានជាតិ
មតិយោបល់