ក្រោយពីលក់អាជីវកម្មទូរស័ព្ទចល័តទៅឲ្យក្រុមហ៊ុន Microsoft រួចមក ក្រុមហ៊ុន Nokia បានបន្តជីវិតរស់នៅដោយពឹងផ្នែកទៅលើអាជីវកម្មផ្គត់ផ្គង់ គ្រឿងបរិក្ខាទូរគមនាគមន៍ និងកម្មវិធីផែនទី HERE ប៉ុន្តែនៅពេលនេះ ធ្លាយព័ត៌មានថា ក្រុមហ៊ុន Nokia ចង់ចូលប្រឡូកនៅក្នុងល្បែងទូរស័ព្ទចល័តម្ដងទៀត។
យោងតាមការចុះផ្សាយរបស់គេហទំព័រ Re/Code បានឲ្យដឹងថា ក្រុមហ៊ុន Nokia មានគ្រោងដើរលើដងវិថីនៃអាជីវកម្មទូរស័ព្ទចល័តម្ដងទៀត នៅក្នុងត្រីមាសទី៤ ឆ្នាំ ២០១៦ ព្រោះថា ក្រុមហ៊ុន Nokia បានយល់ព្រមជាមួយ Microsoft នឹងមិនផលិតទូរស័ព្ទដែលប្រើស្លាកសញ្ញា «Nokia» រហូតដល់ត្រីមាសទី៣ ឆ្នាំ ២០១៦។
ក្រុមអ្នកជំនាញមួយចំនួនបានលើកឡើងថា ក្រុមហ៊ុន Nokia អាចនឹងជោគជ័យម្ដងទៀត បើសិនជា Nokia រកឃើញចំណុចខ្សោយ និងចំណុចខ្លាំងសម្រាប់វាយលុកទីផ្សារស្មាតហ្វូន និងដើម្បីប្រជែងជាមួយក្រុមហ៊ុនដទៃ។
គួរបញ្ជាក់ផងដែរថា នៅមុននេះ Nokia បានដាក់លក់ Tablet N1 ដោយប្រើប្រាស់ប្រព័ន្ធដំណើរការ Android នៅក្នុងប្រទេសចិន ប៉ុន្តែមិនសូវទទួលបានប្រជាប្រិយភាពនោះទេ៕
ព័ត៌មានជាតិ
មតិយោបល់