(ម៉ានីល)៖ អាជ្ញាធរនៅក្នុងប្រទេសហ្វីលីពីន នៅថ្ងៃព្រហស្បតិ៍ ទី១៤ ខែតុលានេះ បាននិយាយថាចំនួនអ្នកស្លាប់នៅក្នុងគ្រោះរអិលបាក់ដី និងទឹកជំនន់បង្កឡើងដោយ ព្យុះត្រូពិក Kompasu បានកើនដល់ ១៩នាក់ ខណ:១៤ នាក់បន្តបាត់ខ្លួននៅឡើយ។

ចំនួនអ្នកស្លាប់ទាំង១៩នាក់ខាងលើ ក្នុងនោះមានភាគច្រើនត្រូវបានរាយការណ៍នៅក្នុងខេត្ត Ilocos Sur ជាទីដែលជនរងគ្រោះភាគច្រើនស្លាប់ ដោយសារទឹកគួចយកទៅបាត់។ បណ្ដាខេត្តជាច្រើននៅលើកោះ Luzon បានរងគ្រោះធ្ងន់ធ្ងរជាងគេដោយសារព្យុះ Kompasu ដែលបានបង្កការខូចខាតដល់ដំណាំកសិកម្មនានា និងផ្ទះសម្បែងគិតជាទឹកប្រាក់ស្មើនឹង ២០លានដុល្លារ។

ក្រុមអ្នកជួយសង្រ្គោះនៅតែបន្តប្រតិបត្តិការរបស់ពួកគេក្នុងផ្ដល់ ជំនួយដល់ប្រជាជនជិត ១៥,០០០នាក់ដែលកំពុងស្នាក់នៅជំរំបណ្ដោះអាសន្ន និងតាមស្វែងរកអ្នកបាត់ខ្លួន៕

ប្រភព៖​​​​​​ AFP