(វ៉ាស៊ីនតោន)៖ ប្រធានាធិបតីអាមេរិកលោក ចូ បៃដិន បានចុះហត្ថលេខាហើយលើច្បាប់ស្ដីពីវិស័យការពារជាតិ ដែលនឹងអនុញ្ញាតឱ្យចំណាយកញ្ចប់ថវិកាយោធា ៧៧០ពាន់លានដុល្លារ សម្រាប់ឆ្នាំសារពើពន្ធ២០២២។ នេះបើតាមសេតវិមាននៅថ្ងៃចន្ទសប្ដាហ៍នេះ។

កាលពីដើមខែធ្នូនេះ, ព្រឹទ្ធសភា និងសភាតំណាងរាស្ត្រអាមេរិក បានបោះឆ្នោតអនុម័តច្បាប់ស្ដីពីវិស័យការពារជាតិខាងលើ ឬគេស្គាល់ថា NDAA ដោយមានការគាំទ្រយ៉ាង ខ្លាំងពីអ្នកប្រជាធិបតេយ្យ និងសាធារណរដ្ឋ។

តាមរយៈច្បាប់នេះ, កញ្ចប់ថវិកា ៧.១ពាន់លានដុល្លារ នឹងត្រូវបានប្រើប្រាស់សម្រាប់ការបង្កើន និងពង្រឹងសមត្ថភាពយោធា អាមេរិក ក្នុងតំបន់ប៉ាស៊ីហ្វិក ដើម្បីទប់ទល់ជាមួយចិន និង៣០០លានដុល្លារសម្រាប់ជំនួយសន្តិសុខដល់អ៊ុយក្រែន ព្រមទាំង ៤ពាន់លានដុល្លារដល់វិស័យការពារជាតិអឺរ៉ុប និង១៥០លានដុល្លារដល់កិច្ចសហប្រតិបត្តិការនៃប្រទេសក្នុងតំបន់បាល់ទិច៕

ប្រភព៖ Reuters