ខេត្តព្រះសីហនុ ៖ កម្លាំងសមត្ថកិច្ចនគរបាលខេត្តព្រះសីហនុ កាលពីថ្ងៃទី ១៧ ខែ កុម្ភៈ ឆ្នាំ ២០២២ បានចុះបង្រ្កាប និង ឃាត់ខ្លួនមនុស្សប្រុស-ស្រី ៩ នាក់ ក្នុងនោះមានស្រី ២ នាក់ ពាក់ព័ន្ធបទល្មើស រក្សាទុកដោយខុសច្បាប់ នូវសារធាតុញៀន និងកាន់កាប់ អា.វុធដោយខុសច្បាប់ ប្រព្រឹត្ត នៅតាមផ្លូវសាធារណៈ ស្ថិតនៅភូមិ១ សង្កាត់៣ ជិតផ្សារទំនើបព្រីន ខេត្តព្រះសីហនុ ។

យោងតាមរបាយការណ៍របស់សមត្ថកិច្ចខេត្តព្រះសីហនុបានឲ្យដឹងថា ការចុះឆែកឆេរអាវុធជាតិផ្ទុះ តាមផ្លូវសាធារណៈ ខាងលើ ដោយបានត្រួតពិនិត្យឆែកឆេររថយន្តចំនួន ១៣៥គ្រឿង និង រកឃើញមនុស្សប្រុស-ស្រី ៩ នាក់ និង រថយន្ត ៥ គ្រឿង និង គ្រឿងញៀនមួយចំនួនទៀត។

ចំណែកវត្ថុតាងដែលសមត្ថកិច្ចរឹបអូសបានរួមមាន៖ -កាំ.ភ្លើងខ្លីចំនួន៤ដើម – គ្រឿងញៀន ប្រភេទម៉ាទឹកកក ១ដបតូច – រថយន្តចំនួន៥គ្រឿង ។

បច្ចុប្បន្ននេះ ជនសង្ស័យប្រុស-ស្រី ៩ នាក់ខាងលើ ត្រូវបានបញ្ជូនទៅស្នងការដ្ឋាននគរបាល ខេត្តព្រះសីហនុ ដើម្បីសាកសួរ និងស៊ើបអង្កេតបន្ថែម និង កសាងសំណុំរឿង បញ្ជូនទៅកាន់តុលាការ ដើម្បីចាត់ការតាមនីតិវិធី ៕