(កៀវ)៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បាននិយាយថាការទម្លាក់គ្រាប់បែករបស់រុស្ស៉ី បានបំផ្លាញហេដ្ឋារចនាសម្ព័ន្ធសំខាន់ៗ ទាំងអស់នៅក្នុងទីក្រុង ស៊ីវីយ៉េរ៉ូដូណេត (Sievierodonetsk) ខណៈការកាន់កាប់ទីក្រុងមួយនេះគឺជាគោលដៅចម្បងរបស់ទាហានរុស្ស៉ី។
ថ្លែងនៅក្នុងសុន្ទរកថាមួយតាមកញ្ចក់ទូរទស្សន៍ កាលពីថ្ងៃអាទិត្យចុងសប្ដាហ៍កន្លងទៅនេះ លោក ហ្សេលេនស្គី បានបញ្ជាក់ដូច្នេះថា «ជាលទ្ធផលនៃ ការទម្លាក់គ្រាប់បែករបស់រុស្ស៉ីលើទីក្រុង Sievierodonetsk, ហេដ្ឋារចនាសម្ព័ន្ធសំខាន់ៗទាំងអស់នៅក្នុងទីក្រុងទីមួយនេះត្រូវបានបំផ្លិចបំផ្លាញ ហើយ ក្នុងពេលបច្ចុប្បន្ន ការវាយដណ្ដើមយកទីក្រុង Sievierodonetsk គឺជាគោលដៅចម្បងរបស់ទាហារុស្ស៉ី»។
រុស្ស៉ី កំពុងបង្កើនការវាយលុកយ៉ាងខ្លាំងលើតំបន់ដុនបាស់ ភាគខាងកើតនៃប្រទេសអ៊ុយក្រែន ដោយកំពុងវាយរុលទៅមុខ រីឯយោធា អ៊ុយក្រែន ក៏បានឱ្យដឹងដែរថាទាហានរបស់ខ្លួនអាចនឹងដកថយចេញពីតំបន់ភាគខាងកើត ដើម្បីបញ្ចៀសកុំឱ្យក្លាយជាឈ្លើយសឹករបស់រុស្ស៉ី៕
ប្រភព៖ Reuters
![](https://i0.wp.com/domneng.news/wp-content/uploads/2022/05/258814.jpg?resize=800%2C450&ssl=1)
![](https://i0.wp.com/domneng.news/wp-content/uploads/2022/05/j3lwe5wwjzqvxelredmm.jpg?resize=700%2C436&ssl=1)
![](https://i0.wp.com/domneng.news/wp-content/uploads/2022/05/e8520961-c8ee-4e58-8847-2144f88ebe32_5b85e0fc.webp?resize=1000%2C731&ssl=1)
![](https://i0.wp.com/domneng.news/wp-content/uploads/2022/05/k83gj7go_ukraine-war-afp_625x300_22_March_22.jpg?resize=1200%2C739&ssl=1)
![](https://i0.wp.com/domneng.news/wp-content/uploads/2022/05/Russian_army_Mariupol_1650628595773_1650763157603.jpg?resize=1000%2C563&ssl=1)
មតិយោបល់