ភ្នំពេញ: នៅព្រឹកថ្ងៃទី២៤ ខែកញ្ញា ឆ្នាំ២០១៦នេះ សម្តេចអគ្គមហាពញាចក្រី ហេង សំរិន ប្រធានរដ្ឋសភានិងលោកជំទាវ រួមជាមួយសមាជិក សមាជិកា រដ្ឋសភា អភិបាល នៃគណ:អភិបាលខេត្តត្បូងឃ្មុំ បានចូលរួមកាន់បិណ្ឌ រាប់បាត្រ វេនទី ០៨ ជាមួយលោកយាយ លោកតា បងប្អូន ពុទ្ធបរិស័ទចំណុះជើងវត្តជម្ពូសុវណ្ណរាម ( ហៅវត្តត្រពាំងព្រីង )ជាទីអារាមដែល សម្តេចធ្លាប់ប្រតិបត្តិ ព្រះធម៌ ព្រះវិន័យ កាលពេលបួសរៀនជាព្រះសង្ឃ ជាមួយព្រះគ្រូ គង់ សូ ជាព្រះគ្រូសូត្រស្តាំ នាអតីតកាលតំបន់តស៊ូរំដោះ ជាមួយអ្នកភូមិ នៅទឹកដីក្នុងភូមិត្រពាំងព្រីង ឃុំត្រពាំងថ្លុង ស្រុកពញាក្រែក ខេត្តត្បូងឃ្មុំ។

សូមឧទ្ទិសកុសលផលបុណ្យនេះដែរ ជូនចំពោះវិញ្ញាណក័ន្ខ លោកតា សំ ហែន និងលោកយាយ ហេង ស៊ឹម ជាមួយ លោកតា សៅ យូ និងលោក​យាយ ពេជ្រ ទូច ព្រះគ្រូ គង់ សូ ព្រមទាំង ជីដូនជីតា ញាតិការទាំងប្រាំពីរសន្តាន ដែលបានចែកឋានទៅកាន់លោកខាងមុខ ពិសេសជូនមហា​កុសល ផលបុណ្យកាន់បិណ្ឌ វេនទី០៨ ថ្ងៃនេះ ដល់លោកយាយ លោកតា បងប្អូន ប្រជាពលរដ្ឋទូទាំងប្រទេស ទទួលបាននូវវិបុលសុខ សេរីសួស្តី សុខភាព​ល្អ កម្លាំងពលខ្លាំងក្លា បញ្ញាញាណឈ្លាសវៃ រកស៊ីទទួលទានមានបាននិងសុភមង្គលគ្រប់ក្រុមគ្រួសារ ៕