ផ្ទះ ព័ត៌មានជាតិ ​លោក ឈើយ ចាន់...

​លោក ឈើយ ចាន់ណា៖ សិស្សានុសិស្ស​ ត្រូវ​​បន្ត​ខិតខំ​ប្រឹងប្រែង សិក្សា​រៀនសូត្រ ​ដើរចេញ​ឲ្យ​ឆ្ងាយ​ពី​គ្រឿងញៀន

0

បន្ទាយមានជ័យ: ​លោកអភិបាល​ស្តីទី ​ខេត្ត​​បន្ទាយមានជ័យ ​បាន​ជំរុញ​ឲ្យ​​សិស្សានុសិស្ស​ទាំង​អស់ ​ត្រូវ​បន្ត​ខិតខំ​ប្រឹងប្រែង ​សិក្សា​រៀនសូត្រ ​ដើម្បី​ទទួល​បាន​និទ្ទេស​ល្អ ​ស្របតាម​កំណែ​ទម្រង់​របស់​រដ្ឋាភិបាល​ ហើយ​​ត្រូវ​​ដើរចេញ​ឲ្យ​ឆ្ងាយ​ពី​គ្រឿងញៀន។

​ថ្លែង​ក្នុង​​ពិធី​​បើក​បវេសនកាល កាលពី​​ថ្ងៃទី១​ ខែវិច្ឆិកា​ ឆ្នាំ​២០១៦ ​ម្សិលមិញ​នេះ នៅវិទ្យាល័យហ៊ុន ​សែនខ្លា​កូន ​ស្ថិតក្នុង​ក្រុង​សិរីសោភ័ណ ​ ​ក្រោម​ការចូលរួម​ពី​សំណាក់​លោក ឈើ​យ ចាន់ណា ​អភិបាលខេត្ត​ស្តីទី​ នៃ​គណ:​អភិបាល​ខេត្តបន្ទាយមានជ័យ​ ខ​ណ:​ដែល​សាលា​ទូទាំង​ខេត្ត​ក៏​បាន​ប្រារព្ធ​ធ្វើ​ដែរ។

​ក្នុង​ឱកាសនោះ​​លោកស្តើង តុង​ហឹ​ង ប្រធាន​មន្ទីរ​អប់រំ​យុវជន​ និង​កីឡា​ខេត្ត​​បន្ទាយមានជ័យ​ បានឲ្យដឹងថា ក្នុង​ឆ្នាំ​សិក្សា​២០១៥-២០១៦ ​កន្លងមកនេះ ​ទូទាំង​ខេត្តបន្ទាយមានជ័យ ​មាន​សាលា​រៀន​ចំណេះ​ទូទៅ​រដ្ឋ​ចំនួន ៧៧៤កន្លែង​ ក្នុងនោះ​មត្តេយ្យ​សិក្សា​មាន​ចំនួន ២៨៦កន្លែង មាន​សិស្សចំនួន ១៣ ៤៨២​នាក់​ ស្រី​៦ ៧៣៩​នាក់ បឋមសិក្សាចំនួន ៤០៨កន្លែង មាន​សិស្ស ចំនួន​៩២ ៧១៨​នាក់ ស្រី​៤៥ ៤៨៥​នាក់ អនុវិទ្យាល័យ ចំនួន​៥៤កន្លែង មាន​សិស្សចំនួន​១២ ៣៦៤​នាក់ ស្រី​៦ ៤២៣​នាក់ វិទ្យាល័យ​ចំនួន ២៦កន្លែង មាន​សិស្សចំនួន ២១ ៩៩៧​នាក់ ស្រី​១០ ៩៩៨​នាក់។ ​ក្នុងនោះ​សម្រាប់​ការ​ប្រឡង​បាក់​ឌុប​ឆ្នាំមុននេះ​ ខេត្តបន្ទាយមានជ័យ ​មាន​សិស្ស​ទទួល​បាន​និទ្ទេស​A​ ចំនួន​១៦​នាក់។

​ជាមួយ​គ្នា​នោះផងដែរ​ លោក អភិបាលខេត្ត​ស្តីទី ​បាន​​អាន​សារលិខិត​របស់​សម្តេច​អគ្គមហា​សេនាបតី​តេ​ជោ ហ៊ុ សែន និងបាន​ធ្វើការ​វាយតម្លៃ កោតសរសើរ​ចំពោះ​លទ្ធផល​សិក្សា​របស់​សិស្សានុសិស្ស​នាពេល​កន្លងមក​ ដែល​ទទួល​បាន​លទ្ធផល​ល្អ ​ពីមួយ​ឆ្នាំទៅ​មួយឆ្នាំ​ និង​ការ​ខិតខំ​ប្រឹងប្រែង​បណ្តុះ​បណ្តាល​សិស្ស​របស់​លោកគ្រូ​អ្នកគ្រូ។

ក្នុង​នោះដែរ​លោក ឈើ​យ ចាន់ណា ក៏បាន​អំពាវនាវ និង​ជំរុញឲ្យ​សិស្សានុសិស្ស​ទាំ​អស់ ត្រូវ​បន្ត​ខិតខំ​ប្រឹងប្រែង សិក្សា​រៀនសូត្រ​ ដើម្បី​ទទួល​បានល្អ និទ្ទេស​ល្អ ស្របតាម​កំណែ​ទម្រង់​របស់​រដ្ឋាភិបាល ​ហើយ​ដើរចេញ​ឲ្យឆ្ងាយ​ពី​គ្រឿងញៀន៕

បវេសនកាល

បវេសនកាល

បវេសនកាល