លោក Luis Enrique អ្នកចាត់ការក្រុម Barcelona បាននិយាយការមិនអាចរកគ្រាប់បាល់បានរបស់ Neymar គឺគ្មានអ្វីត្រូវបារម្ភនោះទេ ព្រោះសមត្ថភាពរូបគេគ្រប់គ្រាន់សម្រាប់ក្រុមត្រូវការហើយ។
Neymar រដូវកាល២០១៦-២០១៧ នេះ ទើបតែរកបាន៦គ្រាប់ទេ ក្នុងការបង្ហាញខ្លួន១៨ប្រកួតរបស់គេ ត្បិតអីបញ្ជូនបាល់ឱ្យមិត្តរួមក្រុមបាន១៤ដងមកហើយ។ ខណ:ដែល២រដូវកាលកន្លងទៅនោះ កីឡាករប្រេស៊ីលរូបនេះសុទ្ធតែរកគ្រាប់បាល់បានលើស៣០គ្រាប់ទាំងអស់ឱ្យក្រុមអ្នកមានបុណ្យ។
Enrique អ្នកចាត់ការក្រុម Barcelona បានលើកឡើងដូច្នេះថា៖ “ការពិត គឺយើងត្រូវមើលទៅមុខតទៀត មានគ្រាប់បាល់ជាច្រើនហើយដែលគាត់បានបង្កើត ហើយគាត់ក៏បានបញ្ជូនឱ្យមិត្តរួមក្រុមច្រើនគ្រាប់ដែរ។ ខ្ញុំមិនខ្វល់ថាគាត់រកបានប៉ុន្មាននោះទេ សំខាន់ក្រុមទាំងមូលអាចទទួលជោគជ័យ”។
ខ្សែប្រយុទ្ធជម្រើសជាតិប្រេស៊ីលខាងលើនេះ ស៊ុតមិនដែលចំគោលដៅនោះទេក្នុង៩ប្រកួតចុងក្រោយ ហើយគ្រាប់បាល់ចុងក្រោយរបស់គេគឺធ្វើបាននៅពេលឈ្នះក្រុម Manchester City ៤-០ ក្នុងពានរង្វាន់ UEFA Champions League នាថ្ងៃទី១៩ខែតុលាកន្លងទៅ៕
មតិយោបល់