Ricardo Quaresma មិត្តភក្តិតាំងពីក្មេងរបស់ Cristiano Ronaldo អាចនឹងផ្លាស់ទៅលេងនៅប្រទេសចិននាខែមករាខាងមុខនេះ ក្រោយពីមានក្លឹបជាច្រើននៅប្រទេសអាស៊ីមួយនេះកំពុងតែចង់បាន។
កឡាករជម្រើសជាតិព័រទុយហ្គាល់រូបនេះ អាចនឹងបញ្ចប់អាជីពរបស់ខ្លួនជាមួយក្រុម Besiktas នៅរដូវកាលនេះហើយ ក្រោយពីមានក្លឹបនៅប្រទេសចិនមួយចំនួនកំពុងតែទាក់ទងរូបគេឱ្យទៅលេង។ ត្បិតតែវ័យដល់៣៣ឆ្នាំមែន ប៉ុន្តែខ្សែបម្រើស្លាបរូបនេះអាចនឹងមានឱកាសច្រើន ប្រសិនបើរូបគេព្រមទៅលេងនៅចិនមែននោះ ពោលគឺអាចនឹងរកចំណូលបានចាប់ពី៥ទៅ៦លានអឺរ៉ូឯណោះក្នុង១រដូវកាល។
Quaresma ធ្លាប់លេងឱ្យក្លឹបជាច្រើននៅតំបន់អឺរ៉ុបរួមទាំង Barcelona , Inter Milan , Porto , Chelsea និងចុងក្រោយនេះរូបគេលេងឱ្យក្លឹបប Besiktas ។ ខណៈដែលក្នុងជម្រើសជាតិព័រទុយហ្គាល់វិញ កីឡាករដែលកើតចេញពីថ្នាល់យុវជន Sporting រូបនេះ បង្ហាញខ្លួនតាំងពីឆ្នាំ២០០៣មក ដោយលេងបាន៦៨ប្រកួត រកបាន៨គ្រាប់៕
មតិយោបល់