កីឡាករ Carlos Tevez បង្ហើបថាខ្លួនអាចនឹងដឹកថាមានតែក្លឹបមួយទេដែលកីឡាករ Lionel Messi អាចចាកចេញពី FC Barcelona ទៅលេងឱ្យបាន ដោយក្លឹបមួយនោះគឺស្ថិតនៅស្រុកកំណើតរបស់គេ។
ក្រោយពីកុងត្រានឹងអស់នៅឆ្នាំ២០១៨ខាងមុខនេះ ក្លឹប Barcelona មិនទាន់អាចចរចាបន្ដកុងត្រាបាននៅឡើយទេ ដោយសារតែមានការខ្វែងគំនិតគ្នាមួយចំនួនទៅលើប្រាក់ឈ្នួល។ យ៉ាងណាមិញ Manchester City គឺជាក្លឹបតែមួយគត់ក្រោមការដឹកនាំរបស់លោក Pep ដែលចង់បានកីឡាកររូបនេះជាងគេ ហើយក៏ហានឱ្យតម្លៃខ្ពស់ផងដែរ។
ទន្ទឹមនឹងរឿងនេះដែរ Tevez ដែជាមិត្តរួមសញ្ជាតិជាមួយ Messi នោះ បានបញ្ជាក់ថារូបគេដឹងច្បាស់ពីកីឡាកររូបនេះ ហើយរូបគេនឹងមិនទៅលេងនៅក្លឹបណាដោយសារតែលុយដែរ។ Messi ជាកីឡាករម្នាក់ដែលមានចិត្តស្មោះសហើយថ្ងៃណាមួយរូបគេនឹងទៅលេងនៅក្លឹប Newell’s Old Boys ដែលស្ថិតនៅស្រុកកំណើតរបស់ខ្លួនវិញ។
Messi មិនត្រឹមតែមាន Man City មួយទេដែលព្យាយាមទាក់ទងទិញរូបគេទៅលេង ផ្ទុយទៅវិញក្លឹបនៅចិនជាច្រើនដែលហានចំណាយប្រាក់ខ្ពស់នោះក៏ចង់បានដែរ ប៉ុន្តែត្រូវបានកីឡាកររូបនេះបដិសេធយ៉ាងដាច់ខាតទៅហើយ ថាមិនអាចទៅរួចនោះទេ៕
មតិយោបល់