ខ្សែប្រយុទ្ធដ៍មុតស្រួចនាពេលអតីតកាល របស់ក្រុម Barcelona កីឡាករ Ronaldinho បានត្រៀមខ្លួនរួចជាស្រេចក្នុងការមកជួយក្រុម Barcelona ឡើងវិញ។

នៅថ្ងៃទី ៣០ មិថុនា ខាងមុខនេះ ក្រុម Barcelona និងមានការប្រកួតជាលក្ខណះមិត្តភាពដ៍ធំមួយ ជាមួយនឹងក្រុម Manchester United ក្នុងលក្ខណះជម្រើសកីឡាករវ័យចំណាស់របស់ក្លិប ឬ Legends របស់ក្លិប។ ក្នុងនោះដែរ ខ្សែប្រយុទ្ធប្រេស៊ីល Ronaldinho ត្រូវបានក្រុមអ្នកមានបុណ្យ Barcelona កោះហៅឲ្យមកចូលរួមការប្រកួតនេះ ដែលធ្វើឡើងនៅទឹកដី Camp Nou របស់ក្រុម Barcelona។ នេះគឺជាការប្រកួតដ៍ធំ ថ្វីបើ មិនមានកីឡាករឆ្នើមៗរបស់ Barcelona នាពេលបច្ចុប្បន្ននេះក៍ដោយ តែវត្តមានតារាឆ្នើមៗ នាអតីតកាល ដូចជា Ronaldinho នេះជាដើម ប្រាកដជាទទួលបានការចាប់អារម្មណ៍យ៉ាងច្រើនពីអ្នកទស្សនា។

ការប្រកួតនេះដែរ កំពុងតែមានការទន្ទឹងរង់ចាំយ៉ាងអន្ទះសារ ពីសំណាក់អ្នកគាំទ្ររបស់ Barcelona ដែលពួកគេមានបំណងចង់ជួបវីរបុរសរបស់គេជាថ្មីម្តងទៀត។ រង់ចាំមើលទាំងអស់គ្នា តើវត្តមានរបស់ Ronaldinho ជាថ្មី នៅ Barcelona ទម្រង់លេងរបស់តារាឆ្នើមប្រេស៊ីលរូបនេះ នៅល្អកម្រិតណា។