ព័ត៌មានកីឡា

liverpool ដាក់លក់ Philippe Coutinho ក្នុងតម្លៃ ៩០លានផោន

នេះគឺជាការដាក់លក់ខ្សែបម្រើប្រេស៊ីល លើកដំបូងសម្រាប់ក្រុមហង្សក្រហម Liverpool ក្នុងតម្លៃខ្ពស់កប់ពពករហូតដល់ទៅ ៩០លានផោន ប្រសិបបើក្លិបណាមួយចង់បានកីឡាកររូបនេះ។

ក្រោយពីការបដិសេធ មិនទៅកាន់ Barcelona រួចមក មានក្លិបធំៗជាច្រើន ដែលនៅតែមានបំណងចង់បានកីឡាករ នៅក្នុងរដូវកាលដោះដូរកីឡាករខាងមុខនេះ។ ជាក់ស្តែងណាស់ បើតាម ESPN transfer បានឲ្យដឹងថា ដោយចៀសមិនផុតពីការចរចារ មិនចេះចប់មិនចេះហើយ ក្រុមហង្សក្រហម Liverpool បានស់្រេចចិត្តដោះលែងកីឡាករ Philippe Coutinho ដោយបានកំណត់នូវតម្លៃខ្លួនជាក់លាក់មួយ។ ក្នុងនោះដែរ Liverpool បានកំណត់តម្លៃរហូតដល់ទៅ ៩០លានផោន ប្រសិនបើក្លិបណាមួយចង់បានខ្សែបម្រើវ័យក្មេងរូបនេះ។ យ៉ាងណាវិញ ការកំណត់តម្លៃខ្លួនលក់ Coutinho នេះដែរ ក្លិបហង្សក្រហម ធ្វើឡើងបន្ទាប់ពីក្រុមអ្នកមានបារាំង Paris Saint Germain ទាក់ទងជាច្រើនលើកច្រើនសារ ដើម្បីទិញយក Coutinho ។

ម្យ៉ាងវិញទៀត ការបើកផ្លូវនេះដែរ បានក្លាយទៅឃាការចាប់អារម្មណ៍ថ្មី របស់ក្លិប Barcelona ដែលចិញ្ចឹមចិត្តចង់បាន Coutinho ផងដែរ។ យ៉ាងណាក៍ដោយ Liverpool បានសម្រេចហើយថា ប្រសិនបើក្កិបណាមួយចង់បានខ្សែបម្រើ Philippe Coutinho ក្លិបនោះត្រូវតែហ៊ានចំណាយទឹកប្រាក់រហូតដល់ទៅ ៩០លានផោន ទើបក្លិបព្រមលក់កីឡាកររូបនេះ។

មតិយោបល់