ខ្សែប្រយុទ្ធដ៍ឆ្នើម Lionel Messi និង Luis Suarez បានធ្វើឲ្យ មិត្តរួមក្រុមរបស់ពួកគេ Neymar JR មិនចាកចេញទៅណាចោល ក្រុម Barcelona ឡើយ។

ថ្វីបើ ប្រធានក្លិប និងអ្នកចាត់ការថ្មីរបស់ក្រុម Barcelona ព្យាយាមលួងលោម Neymar មិនឲ្យចាកចេញក៍ដោយ តែវាហាក់មិនមានពន្ឥឺសោះជាមួយនឹង Neymar ។ យ៉ាងណាវិញ បើតាមការចុះផ្សាយរបស់ Daily Mail បានឲ្យដឹងថា Messi និង Suarez អាចបញ្ចុះបញ្ចូលឲ្យកំពូលខ្សែប្រយុទ្ធវ័យក្មេង Neymar បន្តនៅជាមួយ Barcelona បន្តទៀតបាន។ ជាការពិតណាស់ ក្រោយពី Messi និង Suarez ពន្យល់ប្រាប់រួចមក Neymar បានប្រាប់ទៅកាន់មិត្តដ៍ជិតស្និត ទាំង២វិញថា រូបគេនឹងមិនទៅណាចោល Barcelona ឡើយ។

បន្ថែមលើនេះ រូបគេទាំង៣នាក់ បន្តធ្វើព្យុះ​ ធ្វើភ្លៀងនៅ Laliga នៅរដូវកាលក្រោយទៀត ក្នុងនាមជាខ្សែប្រយុទ្ធឆ្នើមមកពីតំបន់ ឡាទីនទាំង៣រូប។ ជាងនេះទៅទៀត Neymar នឹងធ្វើឲ្យរូបគេអាចឈ្នះ ពាន Balon D’Or ក្នុងពេលឆាប់ៗនេះ ជាមួយ Barcelona ដើម្បីឲ្យមតិមួយចំនួនដែលថា រូបគេមិនអាចឈ្នះឡើយ ដរាបណា Lionel Messi នៅ Barca នោះ។ Neymar ក៍បានប្រាប់ Messi និង Suarez ទៀតថា រូបគេនឹងជម្នះឲ្យបាន នូវក្តីប្រាថ្នាដ៍ធំ របស់គេ ខណះ​ Barcelona គឺជាក្លិបតែមួយគត់ ដែលអាចសម្រេចក្តីសុបិន របស់គេបាន។

ដូច្នេះហើយ កំពូលខ្សែប្រយុទ្ធ Neymar មិនចាកចេញឡើយពី Barcelona ព្រោះថា រូបគេ មិនស្រវ៉ាលុយ ២២២លានអឺរ៉ូ ចោលកេរ្តិ៍ឈ្មោះ កំពុងល្បាញល្បីរបស់គេឡើយ។