នៅពេលដែលមានមិត្តរួមក្រុម ជាច្រើនទាមទារឲ្យ Neymar ប្រាប់ពីមូលហេតុ ដែលនាំឲ្យរូបគេចង់ចាកចេញពី Barcelona នោះ នាពេលនេះ ខ្សែប្រយុទ្ធប្រេស៊ីលរូបនេះ បានចេញមុខបកស្រាយហើយ។

ជាការពិតណាស់ គ្រប់គ្នា តែតែងចង់ដឹងនូវមូលហេតុពិត ដែលបណ្តាលឲ្យ Neymar ចាកចេញពីទ្រនុំ ដ៍សុខសាន្តរបស់គេក្នុងក្រុម Barcelona នោះ។ ចម្ងល់ទាំងអស់នេះ ត្រូវបានកំពូលខ្សែប្រយុទ្ធវ័យពាក់កណ្តាល ៥០ រូបនេះ ចេញមកបកស្រាយក្រោយពីមានមិត្តរួមក្រុម ជាច្រើន ទាមទារឲ្យរូបគេបកស្រាយនូវមូលហេតុ ដែលចង់ចាកចេញនោះ។ ជាការពិតណាស់ បើតាម ESPN reports បានឲ្យដឹងថា ហេតុផលតែមួយគត់ ដែល Neymar ចង់ចាកចេញនោះគឺ ខ្សែប្រយុទ្ធប្រេស៊ីលរូបនេះ ចង់ឈ្នះពាន Balon D’or ឬក៍ពាន FIFA World Player Of The Year ដែលជាក្តីសុបិនដ៍ធំរបស់គេ។

Neymar ពិតជាស្រឡាញ់ Barcelona ខ្លាំងណាស់ តែការនៅទីនេះ មិនអាចធ្វើឲ្យគេជោគជ័យឡើយ ដោយសារតែមាន Lionel Messi ជារនាំងដ៍ធំ មិនអាចឲ្យគេឈ្នះពាន ក្នុងសុបិនគេបានឡើយ។ គួរបញ្ជាក់ផងដែរថា Neymar ចង់ធ្វើដូចតារារាមច្បង របស់គេ នៅប្រេស៊ីល ដែលតែងតែឈ្នះពាន កីឡាករឆ្នើមប្រចាំឆ្នាំរបស់ពិភពលោក គ្រប់ជំនាន់ទាំងអស់។ ជាក់ស្តែង ដូចជា Romario បានឈ្នះពានកាលពីឆ្នាំ ១៩៩៤, Ronaldo ១៩៩៦, ១៩៩៧ និងឆ្នាំ២០០២, Rivaldo ១៩៩៩, Ronaldinho ២០០៤ និង ២០០៥ និង Ricardo Kaka ២០០៧។

ដូច្នេះហើយ Neymar ចង់ក្លាយជាកីឡាករជំនាន់ថ្មី របស់ប្រេស៊ីល ដែលអាចឈ្នះពាន កីឡាករឆ្នើមប្រចាំឆ្នាំរបស់ពិភពលោកផងដែរ ព្រោះថា តាមរយៈសមត្ថភាពរបស់គេ នឹងអាចធ្វើបានក្នុងពេលឆាប់ៗនេះ។ ម្យ៉ាងវិញទៀតនោះ Neymar ក៍មានបំណងចង់ឈ្នះពាន ជាមួយនឹងក្រុមថ្មី Paris Saint Germain ផងដែរ។