ខ្សែប្រយុទ្ធឆ្នើមប្រេស៊ីល Ricardo Kaka ស៊ុតបាល់មួយគ្រាប់យ៉ាងអស្ចារ្យ ក្នុងការប្រកួតថ្មីៗនេះ ដោយបាននាំក្រុម Orlando City យកឈ្នះលើក្រុមម្ចាស់ផ្ទះ Atlanta United ១-០ ។

១គ្រាប់ពីចម្ងាយ យ៉ាងអស្ចារ្យរបស់ Kaka ពិតជាគួរឲ្យស្ងើចសរសើរខ្លាំងណាស់ ពីសំណាក់អ្នកទស្សនាបាល់ទាត់។ Kaka បានស៊ុតពីចម្ងាយក្នុងនាទីទី ៤០ ក្រោយពីមិត្តរួមក្រុមបោះបាល់ឲ្យ ហើយខ្សែប្រយុទ្ធប្រស៊ីលរូបនេះ ទាត់ដោយមិនឲ្យបាល់ឈប់មុនឡើយ។ ជាការពិតណាស់ ១គ្រាប់នេះ ក៍ជាការគម្រាមមួយផងដែរ សម្រាប់ Kaka ក្នុងនាមជាកីឡាករម្នាក់ ដែលមានឈ្មោះក្នុងបញ្ជី MSL All Stars ក្នុងការប្រកួតជាមួយក្រុមយក្ស Real Madrid នាថ្ងៃទី០៣ ខែកក្កដា វេលាម៉ោង ៨ព្រឹក ខាងមុខនេះ។ គួរបញ្ជាក់ផងដែរថា ទ័ព MSL All Star បានត្រៀមកម្លាំងរួចរាល់ហើយ ក្នុងការប្រកួតជាមួយក្រុម Real Madrid ខណៈក្រុម Real Madrid កំពុងធ្លាក់ទម្រង់លេងផងដែរ ជាហេតុធ្វើឲ្យ ក្រុមកីឡាករ ប្រចាំលីគអាមេរិកទាំងអស់ មានសង្ឃឹមក្នុងការឈ្នះការប្រកួតនេះ។

ដូច្នេះហើយ ការស៊ុត ពីចម្ងាយយ៉ាងស្អាត របស់ Ricardo Kaka នេះ ថ្វីបើពេលប្រកួត ជាមួយ Real Madrid មិនសង្ឃឹមបានស៊ុតបែបនេះ តែអាចធ្វើឲ្យ ក្រុម Real Madrid មានការប្រយ័ត្នច្រើន ដើម្បីការពារកុំឲ្យចាញ់ ការប្រកួតនេះ ស្របពេលដែល Real Madrid បានប្រកួតចាញ់ ៣ប្រកួតកន្លងមកហើយ។