នេះគឺជារឿង ដ៍ចម្លែកសម្រាប់ក្រុម Bayern Munich ក្នុងការប្រកួតមុន រដូវកាលថ្មី ដែល៥ប្រកួតកន្លងមកនេះ ឈ្នះតែ១ប្រកួតប៉ុណ្ណោះ ដោយរបូតជ័យជម្នះចំនួន៤លើកជាប់ៗគ្នា។

ជាក់ស្តែងណាស់ ក្នុងការប្រកួតពាន Audi Cup យកលេខ៣ ក្រុម Bayern Munich បានបរាជ័យក្រោមថ្វីដៃក្រុមអ៊ីតាលី Napoli ក្នុងលទ្ធផល ២-០ ក្នុងដីខ្លួនឯង។ ២គ្រាប់របស់ Napoli រកបានដោយខ្សែការពារ Koulibaly នៅនាទីទី ១៤ និង១គ្រាប់ទៀត រកបាននៅតង់ទី២ ដោយខ្សែប្រយុទ្ធ Giaccherini នៅនាទីទី ៥៥ ។

ឆ្លងកាត់ការប្រកួតនេះ ក្រុម Napoli បានក្លាយជាក្រុមទី៣ ហើយរបស់អ៊ីតាលី ដែលបានយកឈ្នះក្រុម Bayern Munich បន្ទាប់ពី AC Milan និង Inter Milan ខណៈក្រុមខ្លាំង២ផ្សេងទៀត របស់អ៊ីតាលី Roma និង Juventus មិនទាន់បានជួប Bayern Munich នៅឡើយ សម្រាប់ការប្រកួតមុនរដូវកាលនេះ។

គិត ៥ប្រកួតចុងក្រោយ របស់ Bayern Munich រួមមានដូចជា៖
ថ្ងៃទី ២២ កក្កដា ២០១៧
Bayern Munich ០-៤ AC Milan
ថ្ងៃទី ២៥ កក្កដា ២០១៧
Bayern Munich ៣-២ Chelsea
ថ្ងៃទី ២៧ កក្កដា ២០១៧
Bayern Munich ០-២ Inter Milan
ថ្ងៃទី ០១ សីហា ២០១៧
Bayern Munich ០-៣ Liverpool
ថ្ងៃទី ០២ សីហា ២០១៧
Bayern Munich ០-២ Napoli

សរុបការប្រកួត ៥លើកចុងក្រោយនេះឃើញថា ក្រុម Bayern Munich រកបានត្រឹម ៣គ្រាប់ប៉ុណ្ណោះ ស្របពេលដែលរបូតគ្រាប់បាល់ដល់ទៅ ១៣គ្រាប់ឯណោះ។ យ៉ាងណាវិញ ក្រុម Napoli ទទួលបានចំណាត់ថ្នាក់លេខ៣ ក្នុងព្រឹត្តិការណ៍ Audi Cup ព្រមទាំងក្លាយជាក្រុម ទី៣ហើយ របស់អ៊ីតាលី ដែលបានប្រកួតឈ្នះ ក្រុម Bayern Munich ។

តោះមកទស្សនា ការប្រកួតហាយឡាយ រវាងក្រុម Bayern Munich និង Napoli ខាងក្រោមនេះ៖

https://www.youtube.com/watch?v=TXDeK1a_68M