ការប្រកួតជម្រុះ World Cup រវាងអាហ្វ្រិកខាងត្បូងនិងសេណេហ្គាល់ នឹងត្រូវធ្វើសារឡើងវិញ បន្ទាប់ពីអាជ្ញាកណ្តាលត្រូវបាន FIFA រកឃើញមានភាពមិនប្រក្រដីក្នុងការប្រកួត នេះបើតាមការចុះផ្សាយរបស់ BBC Sport។
អាជ្ញាកណ្តាលហ្គាណាលោក Joseph Lamptey ត្រូវបានហាមឃាត់មិនឱ្យចូលរួមជាមួយបាល់ទាត់អស់មួយជីវិត ខណ:ដែលរូបគេបានផ្តល់បាល់ពិន័យ ១១ ម៉ែត្រដល់អាហ្វ្រិកខាងត្បូងក្នុងជ័យជម្នះ ២-១ កាលពីខែវិច្ឆិកា។ ក្រោយការចាក់វីដេអូមើលសារឡើងវិញ FIFA បានរកឃើញថាបាល់បានប៉ះជង្គង់ កីឡាករខ្សែការពារក្លិប Napoli កីឡាករ Kalidou Koulibaly ប៉ុណ្ណោះ ។
សេណេហ្កាល់ និង អាហ្វ្រិកខាងត្បូង គឺស្ថិតនៅលំដាប់ទី៣ និងទី៣ ក្នុងពូល នៅពីក្រោយ Burkina Faso និង Cape Verde Islands សម្រាប់ ពូល D របស់ទ្វីបអាហ្វ្រិកនេះ គឺយកតែមួយក្រុមប៉ុណ្ណោះដែលឡើងវគ្គផ្ដាច់ព្រ័ត្រនៅឆ្នាំ២០១៨ នៅប្រទេសរុស្ស៊ី។
សូមបញ្ជាក់ថា ការប្រកួតឡើងវិញរវាង អាហ្វ្រិកខាងត្បូង ជាមួយ សេណេហ្គាល់ នឹងធ្វើនៅខែវិច្ឆិកា ឆ្នាំ២០១៧នេះ៕
//www.youtube.com/watch?v=9pkLbx_zrZg
មតិយោបល់