ខ្សែការពារស្លាបឆ្វេង Marcelo របស់ក្រុមស្តេចស Real Madrid ពិតជាមានការហួសចិត្តយ៉ាងខ្លាំង បន្ទាប់ពីក្រុម​របស់ពួកគេបានលេងចាញ់ក្រុម Real Betis ១-០ ក្នុងដី ខ្លួនឯង។

យ៉ាងណាក៍ដោយ នៅក្រោយចប់ការប្រកួត Marcelo បានប្រាប់អ្នកសារពត៌មាន ទាំងអស់ថា រូបគេពិតជាមាន​ការ​សោកស្តាយយ៉ាងខ្លាំង ដែលក្រុមបានបរាជ័យ ក្នុងផ្ទះខ្លួន​ឯង ក្រោមស្នាដៃក្រុម Real Betis បែបនេះ។ ក៍ប៉ុន្តែខ្សែការពារ ប្រេស៊ីលដ៍ឆ្នើមរបនេះ បាននិយាយយ៉ាងម៉ឺងម៉ាត់ថា វាគ្រាន់តែជាការចាប់ផ្តើមប៉ុណ្ណោះ ខណ:ការប្រកួតនៅសល់ច្រើនណាស់ វាមិនមែនជាការបញ្ចប់ មហិច្ចតារបស់យើងឡើយ។ ថ្វីបើការចាប់ផ្តើម មិនសូវបានល្អមែន តែក្រុមទាំងមូល លេងដោយភាពជឿជាក់ ជាហេតុធ្វើឲ្យយើងត្រូវខិតខំបន្ថែម ទៀតដើម្បីសម្រេចក្តីប្រាថ្នារបស់យើង។ ជាងនេះទៅទៀត Marcelo ក៍បានបញ្ជាក់ផងដែរថា ចំពោះការចាញ់ Real Betis គឺមកពីការធ្វេសប្រហែលរបស់ក្រុម រួមនឹងបាល់មិន​សំណាងជាច្រើន ដែលវាយលុកមិនបានសម្រេចពីសំណាក់ កីឡាកររបស់ Real Madrid ។

គួរបញ្ជាក់ផងដែរថា ក្រុមស្តេចស Real Madrid ថ្វីបើគម្លាតពិន្ទុខុសគ្នា ៧ពិន្ទុពីក្រុម កំពូលតារាង Barcelona ក៍ដោយ តែឱកាសឈ្នះពានរបស់ក្រុមមួយនេះ នៅមិនទាន់អស់ឡើយ ព្រោះថាការប្រកួតនៅសល់ច្រើន ដែលអាចជាឱកាសសម្រាប់ក្រុមការពារតំណែងជើងឯក រដូវកាលមុននេះ បន្តក្តីសម្រម៉ៃរបស់ពួកគេបន្តទៀត។