ក្រុមបាល់ទាត់ជម្រើសជាតិស៊ីរី ថ្វីបើបច្ចេកទេសលេង នៅមានកម្រិតទាបជាងអូស្ត្រាលីក៍ដោយ តែក្រុមមួយនេះ មិនបានធ្វើឲ្យក្តីសង្ឃឹមរបស់ពួកគេ ត្រូវបញ្ចប់ភ្លាមៗឡើយ ដោយវាយបកតាមស្មើវិញ នៅចុងម៉ោង ដើម្បីមហិច្ចតារបស់ពួកែ។

ស៊ីរី ហាក់អស់សង្ឃឹមយ៉ាងខ្លាំង នៅពេលដែលក្រុមអូស្ត្រាលី បាននាំមុខ ១គ្រាប់មុនដោយការទាត់បញ្ចូលទីរបស់កីឡាករ Rubbie Kruse នៅនាទីទី ៤០​។ ម្យ៉ាងវិញទៀតនោះ ឱកាសជាច្រើនផ្សេងទៀត ដែលអូស្ត្រាលី​ បានបង្កើតតៗទៀតនោះ កាន់តែធ្វើឲ្យក្តីសង្ឃឹមរបស់ក្រុម​ស៊ីរី ដុនដាបទៅៗ។ យ៉ាងណាវិញ ក្រុមជម្រើសជាតិ ស៊ីរី ក៍មិនអន់ប៉ុន្មានឡើយ ដោយអាចស្វែងរកឱកាសល្អៗជា​ច្រើនលើក ក្នុងការវាយលុកលើអូស្ត្រាលី ម្តងៗផងដែរ។

អ្វីដែលជាការបន្តក្តីសង្ឃឹមនោះ​ គឺនៅនាទីទី ៨៥​ ក្រុមជម្រើសជាតិស៊ីរី មានឱកាសទាត់បាល់ពិន័យ ១១ម៉ែត្រ ដែលកីឡាករ Omar Al Somah បានសម្រេចគ្រាប់បាល់​តាមស្មើឲ្យស៊ីរីវិញ។ ដូច្នេះហើយ សម្រាប់ការផ្លាស់ទៅលេង​ក្នុងទឹកដីអូស្ត្រាលីវិញនោះ ថ្វីបើស៊ីរី មិនមានសង្ឃឹមក្នុងការ​​យកឈ្នះអូស្ត្រាលីក៍ដោយ តែក្រុមដ៍កំសត់មួយនេះ នឹងព្យាយាមទប់ឲ្យបានស្មើ​ ដើម្បីឆក់យកឱកាសទាត់បាល់ ១១ម៉ែត្រកាត់សេចក្តី ឬធ្វើឲ្យបានល្អជាងនេះ។

គួរបញ្ជាក់ផងដែរថា រវាងក្រុមទាំង២ ប្រសិនបើក្រុមណាឆ្លងផុតការជម្រុះវគ្គនេះ នឹងត្រូវបន្តទៅជម្រុះជាមួយក្រុមនៅតំបន់ CONCACEF ម្តងទៀត ដើម្បីសម្រេចវាសនា ទៅកាន់ការប្រកួត FIFA World Cup ២០១៨​ នៅប្រទេសរុស្ស៊ីឆ្នាំក្រោយ។

https://www.youtube.com/watch?v=-jNaymRsYyc