ក្រុមតោខៀវ Chelsea ធ្វើមិនបានល្អឡើយ ក្នុងការជួបជាមួយក្រុម​ អ៊ីតាលី Roma ដោយបាននាំមុខ ២-០ មុនទៅហើយ បែរជាធ្វើឲ្យរបូតគ្រាប់បាល់ដល់ទៅ ៣គ្រាប់វិញ ទម្រាំ Hazard អាចរកគ្រាប់បាល់តាមស្មើ​មក​វិញ។

Chelsea បានបើកទ្វារទទួលក្រុម Roma មិនបានល្អឡើយ ដោយអាចលេងបានត្រឹមស្មើគ្នា​ ក្នុងលទ្ធផល ៣-៣ ប៉ុណ្ណោះ។ ជាក់ស្តែងណាស់ Chelsea បានបើកការវាយលុកយ៉ាងខ្លាំងក្លា ដោយអាចរកគ្រាប់បាល់នាំមុខ ដល់ទៅ ២គ្រាប់មុន តាមរយ:ការស៊ុតរបស់ខ្សែការពារប្រេស៊ីល David Luiz នៅនាទីទី១១ និង ខ្សែប្រើប្រយុទ្ធឆ្នើម Eden Hazard នៅនាទីទី៣៧។ យ៉ាងណាវិញ ក្រុមភ្ញៀវ Roma ធ្វើបានយ៉ាងល្អ ដោយអាចវាយបកមកវិញ តាមរយ:ការស៊ុត ៣គ្រាប់ផ្ទួនៗ គ្នា ដោយកីឡាករ Alexander Kolarov នៅនាទីទី ៤០ និងខ្សែប្រយុទ្ធ Edin Dzeko​ ២គ្រាប់ នៅនាទីទី៦៤ និង ៧០ ដែលធ្វើឲ្យ Roma នាំមុខបញ្ច្រាស់វិញ ៣-២ ។ ក៍ប៉ុន្តែ កីឡាករដ៍ឆ្នើមរបស់ក្រុមតោខៀវ Chelsea ដដែល Eden Hazard បានស៊ុតគ្រាប់ទី២ ក្នុងការប្រកួតនេះ របស់រូបគេ នៅនាទីទី ៧៥ ដែលអាចជួយឲ្យ Chelsea តាមស្មើមកវិញ ៣-៣ ជាមួយក្រុម Roma ។

លទ្ធផលនេះ បានរក្សារហូតដល់ចប់​​ ៩០នាទីពេញ ដែលធ្វើឲ្យក្រុមទាំង២ ចែកគ្នាម្នាក់ ១ពិន្ទុ ត្រឡប់ទៅវិញ ខណ: Chelsea ឈរកំពូលតារាង​ មាន៧ពិន្ទុ ,Roma លេខ ២មាន​ ៥ពិន្ទុ, Atletico Madrid លេខ៣ មាន ២ពិន្ទុ និងក្រុមបាតតារាង Qaragak មាន១ពិន្ទុ។

//www.youtube.com/watch?v=6s6LG9Jg2Bc