ក្រុមបីសាចក្រហម Manchester United បានបង្ហាញឈ្មោះ កីឡាករ៤រូប ដែលក្លិបអង់គ្លេសមួយ​នេះ ត្រៀមទិញ នៅរដូវក្តៅខាងមុខនេះ ដែលសុទ្ធសឹងជាកីឡាករល្បីៗ នៅតំបន់អឺរ៉ុប។

តាមការចុះផ្សាយរបស់ Manchester Evening News បានឲ្យដឹងថា លោក​​ Jose Mourino គ្រូបង្វឹកក្រុមបីសាចក្រហម Manchester United បានដាក់គោលដៅយ៉ាងច្បាស់ ក្នុងការទិញកីឡាករ៤រូបបន្ថែមនៅរដូវក្តៅខាងមុខនេះ។ ជាក់ស្តែងណាស់ កីឡាករទាំង៤ រូបដែលក្រុមបីសាចក្រហមនឹងទិញ នៅរដូវក្តៅក្រោយនេះ រួមមានដូចជា ខ្សែប្រយុទ្ធវែល Gareth Bale របស់ក្រុម Real Madrid , ខ្សែប្រយុទ្ធបារាំង Antonie Griezmann របស់ក្រុម Atletico Madrid , ខ្សែការពារ អង់គ្លេស Danny Rose និងខ្សែបម្រើប្រយុទ្ធ អាឡឺម៉ង់ Mesut Ozil របស់ក្រុមកាំភ្លើងធំ Arsenal ។

តាមរយៈ បញ្ជីឈ្មោះកីឡាករទិញចូលថ្មី ទាំង៤រូបនេះ បង្ហាញឲ្យឃើញថា លោក Jose Mourinho មានបំណងប្រមូលផ្តុំ កីឡាករល្បីៗ ដើម្បីឈ្នះពាន Premier League និង Champion League ។ សម្រាប់កីឡាករទាំង៤រូបនេះដែរ Bale មានភាគរយខ្ពស់​ហើយ ក្នុងការមកកាន់ Old Trafford ខណៈ Antonie Griezmann នៅមានភាពចម្រូងចម្រាស់ជាមួយក្រុម Real Madrid, Barcelona និង Paris Saint Germain ។ រីឯ​ Danny Ross ក៍មិនជាបញ្ហាចោទ សម្រាប់ Man Utd ឡើយ ដោយរង់ចាំបន្តទៀត ចំពោះ Ozil ដែលមានការចាប់អារម្មណ៍ពីសំណាក់ក្រុមកំពុងឡើង​ជើង Inter Milan និង Barcelona ។ យ៉ាងណាវិញ ក្រុមបីសាចក្រហម Manchester United នៅតែមិនខ្វល់ពីបញ្ហាអ្វីឡើយ ដោយសារក្រុមកំពូលនៅអង់​គ្លេសមួយនេះ បានត្រៀមទឹកប្រាក់រួចរាល់ហើយ ក្នុងចំណាយនៅរដូវក្តៅខាងមុខនេះ។

ដូច្នេះហើយ នៅរដូវកាលក្រោយនេះ ក្រុមបីសាចក្រហម Manchester United នឹងមានទម្រង់លេងកាន់តែប្រសើរជាងមុន ព្រោះថា តាមរយៈការតាមប្រមាញ់ Gareth Bale , Antonie Griezmann , Danny Ross និង Mesut Ozil សុទ្ធសឹង ជាកីឡាករសំខាន់ៗ ដែលអាចជួយក្រុម Man Utd ឲ្យឈ្នះពានបាន នៅរដូវកាលក្រោយ ស្របពេលដែលរដូវកាលនេះ ក្រុមបីសាចក្រហម ក៍ជាបេក្ខភាព ក្នុងការប្រជែងពានផងដែរ។