ការតាមប្រមាញ់ខ្សែប្រយុទ្ធប្រេស៊ីល​ Neymar របស់ក្រុម Real Madrid នៅមិន​ទាន់បញ្ចប់នៅឡើយទេ ខណ:ពេលនេះ ក្រុមយក្សអេស្ប៉ាញមួយនេះ មានគម្រោង​លក់ចេញកីឡាករវ័យក្មេងឆ្នើមមួយរូប ដើម្បីបន្ថែមលុយទិញ Neymar នៅរដូវ​ក្តៅនេះ។

បើតាមការចុះផ្សាយរបស់ Sports in Spanish បានឲ្យដឹងថា ក្រុមជើងឯក Champion League ១៣សម័យកាល Real Madrid កំពុងតែយល់ព្រមលក់ ខ្សែបម្រើប្រយុទ្ធវ័យក្មេងអេស្ប៉ាញ Marco Asensio នារដូវក្តៅនេះហើយ។ ជាការពិតណាស់ Real Madrid មិនខ្វះលុយឡើយ​ ដើម្បីទិញ Neymar ពីក្រុម Paris Saint Germain ក៍ប៉ុន្តែ ការលក់ Asensio អាចធ្វើឲ្យ Real Madrid កាត់បន្ថយការចំណាយមួយផ្នែកធំ ម្យ៉ាង​មិនត្រឹមតែទិញ Neymar ឡើយ នៅ​មានកីឡាករឆ្នើមៗ តម្លៃខ្លួនថ្លៃជាច្រើនទៀត ដូចជា Eden Hazard, Robert Lewandowski ជាដើម ជាកត្តាមួយតម្រូវឲ្យ Real Madrid ត្រូវតែលក់កីឡាករ​ខ្លះ កុំឲ្យជាប់បម្រាមរបស់ FIFA ។​ យ៉ាងណាវិញ សម្រាប់ការលក់ Marco Asensio នេះដែរ ប្រហែលជា Real Madrid ធឲអាចរងសម្ពាធ ពីអ្នកគាំទ្រជាក់​ជាមិនខាន ព្រោះថា ពួកគេ បានចាត់ទុក Asensio ជា Cristiano Ronaldo ទី២ ពោលជាកីឡាករសំណាងរបស់ក្លិប។

ដូច្នេះហើយ រង់ចាំមើលថា តើក្រុម Real Madrid ពិតជាសម្រេចចិត្តលក់ Marco Asensio ស្រវ៉ា Neymar មែនឬយ៉ាងណានោះ ត្រូវរង់ចាំដល់រដូវកាល​ដោះដូរនៃទីផ្សារបើកសិន។