Post News Media ព័ត៌មានកីឡា ទឹកដីរុស្ស៊ី ...

ទឹកដីរុស្ស៊ី កំពុងកែប្រែប្រវត្តិសាស្ត្របាល់ទាត់

World Cup នៅរុស្ស៊ីឆ្នាំនេះ បានបង្កើតរឿងរ៉ាវថ្មីៗជាច្រើន​ ដែលធ្វើឲ្យពិភពបាល់ទាត់មានការក្រឡាប់ចាក់យ៉ាងខ្លាំង សឹងមិនគួរឲ្យជឿ សម្រាប់ព្រឹត្តិការណ៍ដ៍ធំ មួយនេះ។

ជាក់ស្តែងណាស់ ក្រោយពីម្ចាស់ផ្ទះរុស្ស៊ី ទម្លាក់ក្រុមជើងខ្លាំងអេស្ប៉ាញ ក្នុងវគ្គ ១៦​ក្រុមចុងក្រោយ តាមរយ:ការទាត់បាល់ ១១ម៉ែត្រកាត់សេចក្តីយប់មិញនេះ បានធ្វើឲ្យ​រុស្ស៊ី បន្តឆ្លងទៅកាន់វគ្គ ៨ក្រុមចុងក្រោយ ខណ:អេស្ប៉ាញ ត្រូវហាលអាវ​ត្រឹមនេះ។ យ៉ាងណាវិញ រឿងរ៉ាវដែលគួរឲ្យចាប់អារម្មណ៍ជាច្រើននោះ គឺ​ ជើងឯក​ចាស់ អាល្លឺម៉ង់ បានជ្រុះចេញត្រឹមវគ្គចែកពូល ក្រោយពីរកបានត្រឹម ៣ពិន្ទុប៉ុណ្ណោះ ដោយចាញ់ក្រុមម៉ិកស៊ីកូ និងកូរ៉េខាងត្បូង សឹងមិនគួរឲ្យជឿ។ ក្រឡេកមើល អាហ្សង់ទីនវិញ ធ្លាប់មានប្រវត្តិល្អពេលជួបបារាំង នាពេលកន្លងមក តែលទ្ធផល​ចុងក្រោយ បែរជាហាលអាវ ដោយសារតែបារាំងវិញ ខណ:ពរទុយហ្គាល់ ក៍ជ្រុះចេញ ក្រោមថ្វីជើងអ៊ុយរ៉ាហ្គាយ នៅវគ្គ ១៦ក្រុមចុងក្រោយដូចគ្នា។

រង់ចាំមើលថា តើនៅមានរឿងរ៉ាវអ្វីខ្លះបន្តកើតឡើងនៅលើទឹកដីរុស្ស៊ីនេះទៀត ស្របពេលដែលក្រុមខ្លាំង ដូចជាប្រេស៊ីល, អង់គ្លេស, ប៊ែលហ្ស៊ិក កំពុងត្រៀមលេងវគ្គ ១៦ក្រុមចុងក្រោយ។