ខ្សែបម្រើប្រេស៊ីល Paulinho បានសម្រេចចិត្តចាកចេញពីក្រុមយក្សអេស្ប៉ាញ Barcelona ហើយ ដោយសុខចិត្តទៅលេងនៅក្លិបចាស់របស់គេវិញ ឯប្រទេសចិន នារដូវកាលក្រោយនេះ។

បើតាមការចុះផ្សាយរបស់ ESPN reports បានឲ្យដឹងថា កីឡាករដែលក្រុម Barcelona នាំយកពីប្រទេសចិនមកកាលពីរដូវកាលមុន Paulinho នឹងចាកចេញពីក្លិបអេស្ប៉ាញមួយនេះ ត្រឡប់ទៅកាន់ក្លិបចាស់របស់គេ Guangzhou នាលីគកំពូលរបស់ប្រទេសចិនវិញ។ Paulinho មិនបានបង្ហាញហេតុផល​ជាក់លាក់ណាមួយ នៃការចាកចេញពីក្រុម Barcelona ឡើយ​ ក៍ប៉ុន្តែ ទំនងជាក្រុម Barcelona តាមប្រមាញ់កីឡាករតំបន់កណ្តាលមួយចំនួន ជាពិសេសនោះ Paul Pogba ដែលអាចប្រឈមដល់តំណែងរបស់គេ។ ម្យ៉ាងវិញ​ទៀតនោះ Paulinho អស់កុងត្រាជាមួយក្រុម Barcelona ផង ព្រោះថា Barcelona ទិញមកក្នុងរយៈពេល​១ឆ្នាំប៉ុណ្ណោះ ដោយមិនទាន់មានការតកុងត្រាថ្មី​នៅឡើយទេ។

ដូច្នេះហើយ Paulinho នឹងចាកចេញពីក្រុម Barcelona ទៅកាន់ក្លិបចាស់របស់​គេវិញ Guangzhou នៅក្នុងពេលដ៍ខ្លីខាងមុខនេះ ពោលនៅពេលដែលកុងត្រា​របស់គេបញ្ចប់ជាមួយក្រុម Barcelona ។