ថ្វីបើក្រុមបីសាចក្រហម Manchester United បានពាំនាំកីឡាករមួយចំនួនមក​កាន់ក្លិបក្តី តែលោក Jose Mourinho នៅតែមិនបោះបង់ចោលកីឡាករចាសៗ ឬកីឡាកររបស់ក្លិបដែលមានពីមុនមកឡើយ។

ជាក់ស្តែងណាស់ បើតាមការចុះផ្សាយរបស់ The Mirror បានឲ្យដឹងថា Man Utd បានបដិសេធ មិនព្រមលក់ ខ្សែប្រយុទ្ធបារាំង Anthony Martial ឲ្យក្រុម​តោខៀវ Chelsea ឡើយ។ ការបដិសេធនេះដែរ​ បានធ្វើឡើងបន្ទាប់ពីមាន ពត៌មាន​ល្ហេចល្ហៀងនាពេលថ្មីៗនេះថា Chelsea កំពុងតែរៀបចំសំណើរមកចរចារ​ជាមួយ Man Utd ដើម្បីទិញយក Martial ទៅជំនួសតំណែងរបស់ Alvaro Morata និង Oliver Giroud ដែលសុទ្ធសឹងជាកីឡាករត្រៀមចាកចេញពីក្លិប​នាពេលដ៍ខ្លីខាងមុខនេះ។

ជាការពិតណាស់ Martial កម្រនឹងបានលេងក្នុង​ជម្រើស ១១នាក់ដំបូងក្រោមការដឹកនាំរបស់លោក Jose Mourinho ជាពិសេស​ចាប់តាំងពី Alexis Sanchez មកកាន់ Old Trafford តែយ៉ាងហោចណាស់ Martial ក៍តែងតែប្តូរចូលលេងនៅតង់ទី២ ឬចុងតង់ផងដែរ។ យ៉ាងណាវិញ Man Utd នឹងមិនលក់ខ្សែប្រយុទ្ធបារាំងរូបនេះឡើយ ព្រោះ Man Utd នៅខ្សោយតំបន់ប្រយុទ្ធតម្រូវឲ្យពួកគេត្រូវតែរក្សាទុកកីឡាករល្អៗ នៅតំបន់ខាងលើ។

ដូច្នេះហើយ ក្រុមបីសាចក្រហម Manchester United នឹងមិនលក់ Anthony Martial ឲ្យក្រុមតោខៀវ Chelsea ឡើយព្រោះពួកគេ​មិនទាន់សម្រេចមហិច្ចតា​ឈ្នះ Premier League នៅឡើយទេ។