Post News Media ព័ត៌មានកីឡា កីឡាករ ១០នាក់...

កីឡាករ ១០នាក់ចុងក្រោយត្រូវប្រជែង Balon D’Or តែគ្មានវត្តមាន Neymar

សហព័ន្ធបាល់ទាត់ពិភពលោក ហៅកាត់ថា FIFA បានបញ្ចេញបញ្ជីឈ្មោះ​កីឡាករ ១០រូបចុងក្រោយ ដែលត្រូវប្រជែងពាន Balon D’Or ហើយ​ ខណ:កីឡាករ​តម្លៃកំណត់ត្រា ២២២លានអឺរ៉ូ Neymar JR បែរជាមិនមានក្នុង​បញ្ជីឈ្មោះនេះវិញ។

បើតាមការចុះផ្សាយរបស់ The Goal បានឲ្យដឹងថា FIFA បានបង្ហាញឈ្មោះ​កីឡាករល្អទាំង១០រូប ប្រជែងយកពាន Balon D’Or ប្រចាំឆ្នាំ ២០១៨ នេះហើយ។ កីឡាករទាំង១០រូបនោះរួមមានដូចជា Cristiano Ronaldo សមាជិកថ្មីរបស់ក្រុមសេះបង្កង់ Juventus, Lionel Messi របស់ក្រុម Barcelona, Mohamed Salah របស់ក្រុម Liverpool, Kevin De Bruyne របស់ក្រុម Manchester City, Luka Modric និង Raphael Varane របស់ Real Madrid, Eden Hazard របស់ Chelsea, Antoine Griezmann របស់ Atletico Madrid, Kylian Mbappe របស់ Paris Saint Germain និង Harry Kane របស់ Tottenham Hotspur ។

ក្នងនោះដែរ Neymar កំពូលកីឡាករឆ្នើមរបស់ Paris Saint Germain និងប្រេស៊ីលបែរជាមិនជាប់​ឈ្មោះ ក្នុងការប្រកួតប្រជែងនេះឡើយ ដោយសារតែកីឡាកររូបនេះ រងរបួសពាក់កណ្តាលរដូវកាលកន្លងមក។ មិនតែប៉ុណ្ណោះ Neymar មិនអាចជួយ​ប្រេស៊ីល ជោគជ័យ នា World Cup កន្លងមកនេះ ជាហេតុធ្វើឲ្យកីឡាកររូបនេះ មិនជាប់ក្នុងបញ្ជី ១០នាក់ចុងក្រោយបែបនេះ។

តោះ! ចូលរួមទស្សទាយទាំងអស់គ្នា រវាងកីឡាករ ១០រូបខាងលើនេះ មួយណានឹង​ក្លាយជាម្ចាស់ Balon D’Or ប្រចាំឆ្នាំ ២០១៨នេះ៖

Loading...