នេះគឺជារឿងដ៍ភ្ញាក់ផ្អើលមួយ ដែលអតីតវីរបុរសជួយក្រុមជម្រើសជាតិអាហ្សង់ទីន ឈ្នះពាន World Cup កាលពីអតីតកាលលោក Diego Maradona ប្រាប់ Lionel Messi ឲ្យធ្វើរឿងមួយ។

ជាក់ស្តែងណាស់ បើតាមការចុះផ្សាយរបស់ Sky Sports បានឲ្យដឹងថា Diego Maradona ប្រាប់ទៅ Lionel Messi ឲ្យចូលនិវត្តន៍ពីក្រុមជម្រើសជាតិ​អាហ្សង់ទីន។ ការធ្វើបែបនេះ Maradona បានឲ្យដឹងថា” Messi គឺជាកីឡាករល្អ​បំផុតមួយនាពេលបច្ចុប្បន្ននេះ ក៍ប៉ុន្តែ ការចំណាយពេលជាច្រើនឆ្នាំជាមួយជម្រើស​ជាតិ កីឡាករឆ្នើមមួយនេះ នៅមិនទាន់ទទួលបានជោគជ័យសម្រាប់ជាតិនៅឡើយ​ទេ។ អ្វីដែលអ្នកគាំទ្រអាហ្សង់ទីនចង់ឃើញនោះគឺ​ Lionel Messi នាំពាន World Cup ឲ្យជាតិ តែវាជារឿងមួយមិនអាចទៅរួចឡើយ ព្រោះថាអាហ្សង់ទីន ពុំទាន់មានធនធានកីឡាករល្អដូចនៅតំបន់អឺរ៉ុបឡើយ។”

តាមរយៈហេតុផលនេះដែរ Maradona ចង់ឲ្យ Messi ផ្តោតលើបាល់ទាត់អាជីព​វិញ ពោលធ្វើយ៉ាងណាឲ្យរូបគេ នៅតែជានិមិត្តរូបបាល់ទាត់ដដែល ព្រោះថាភាពជោគជ័យនៅក្លិបអាជីព ទើបជាជំហានមួយយ៉ាងល្អរបស់កីឡាករ​ក្លិបអ្នកមានបុណ្យ Barcelona រូបនេះ។